عاجل خبرونه

د پکتیکا په ګومل کې بې پيلوته الوتکو شل کسه وژلي

(Last Updated On: اپریل 8, 2016)

vlcsnap-2016-04-08-11h49m46s33

د پکتیکا ولایت په سرحدي ولسوالۍ ګومل کې د بې پيلوته الوتکو دوه غبرګو بریدونو نږدې شل کسه وژلي دي.

د وژل شويو کسانو دشمېر او هویت په اړه بېلابېل رپوتونه ورکول کیږي.

د پکتیکا امنیه قومندان، جنرال زړور زاهد وايي،  چې بریدونه بهرنیو ځواکونو کړي او دوی په جریان کې نه دي؛خو د هغو معلوماتو له  مخې، چې بهرنیو ځواکونو دوی ته ورکړي په دوه بریدونو کې١٤وسلوال طالبان وژل شوي دي.

 دى وایي، چې وژل شوي کسان پېژندل شوي طالبان ول.

 د پکتیکا ولایتي شورا  مر ستیال او د همدې سیمې اوسیدونکی نعمت الله ببري وویل، چې په دوه بریدونو کې١٧ کسان وژل شوي او ټول ملکي وګړي دي.

وسلوالوطالبانو د پکتیکا په بریدونو کې د خپلو کسانو وژل ردکړي دي.

ګومل د پکتیکا سرحدي ولسوالي ده، چې د پاکستان له سویلي وزیرستان سره پوله لري او افغان دولت پرې بشپړه واکمني  نه لري.

څومیاشتې وړاندې په همدې سيمه کې د طالبانو د دوه ګروپونو ترمنځ وسلوالې نښتې شوې وې، چې یو لوری یې د داعش پلویان بلل شوي وه. 

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …