عاجل خبرونه

د ټاکنيزو اصلاحاتو د کميسيون درې مادې د توضيح له پاره کميسيون ته ولېږل شوې

(Last Updated On: September 7, 2015)

د ټاکنو څارونکي بنسټونه وايي چې د ټاکنیزو اصلاحاتو د کمیسیون منل شوي اووه وړاندیزونه د ټاکنو له پاره ګټور دي خو د ټاکنو شفافیت نه شي تضمینولی. دوی وايي چې درې نور وړاندیزونه چې ولسمشر یې د زیاتې څېړنې غوښتنه کړې، هم په خپل وار د ټاکنو له پاره د ارزښت وړ دي.

د ټاکنیزو اصلاحاتو د کمیسیون مسولین وايي چې د دوی ټول لس وړاندیزونه د ملي یووالي د حکومت د رهبرانو له خوا منل شوي دي چې له هغې ډلې درې وړاندیزونه د زیات غور له پاره کمیسیون ته رالېږل شوي دي.

له ملي او مدني بنسټونو او کارپوهانو سره د ټاکنیزو اصلاحاتو په هکله د ټاکنیزو اصلاحاتو د کمیسیون له سلا مشورو وروسته، دغه کمیسیون د لسو مادو اصلاحي وړاندیز د ملي یووالي حکومت رهبرانو ته وسپاره چې ولسمشر په دریو مادو کې د زیات غور او څېړنې سپارښتنه کړې ده.

د ټاکنیز نظام بدلون، د ټاکنیزو حوزو کمول،

د تذکرو له مخې د رایې ورکوونکو د لېست برابرول،

د رایو ورکولو په مرکزونو له سره غور،

د ټاکنو د خپلواک کمیسیون د غړو کمول،

د ټاکنیزو شکایتونو د څېړلو له پاره د ځانګړې کمېټې جوړول،

په ولایتي شورا ګانو کې د ښځو د ونډې زیاتول،

او د لنډمهاله کارکوونکو په توګه د ښوونکو او دولتي مامورینو ګومارل هغه وړاندیزونه دي چې د ټاکنیزو اصلاحاتو کمیسیون یې غوښتنه کړې ده.

په پورته مادو کې، د شفافیت د کمېټې جوړول، د ټاکنیزو حوزو کمول او د ټاکنیز نظام بدلول درې هغه مادې دي چې ولسمشر یې د زیات غور او څېړنې غوښتنه کړې ده.

د افغانستان د شفافو ټاکنو د بنسټ مسولین وايي، هغه درې مادې چې ولسمشر یې د بیا کتنې او غور سپارښتنه کړې، د ټاکنو د برخلیک له پاره حیاتي ارزښت لري.

په همدې حال کې د افغانستان د آزادو رسنیو د ملاتړ ادارې مسولینو د هېواد د پنځو زونونو د رسنیو استازي کابل ته را بللي چې د اصلاحاتو په دویم پړاو وړاندیزونو کې یې نظرونه په پام کې ونیول شي.

About Ariana News

Avatar

Check Also

په کندوز کې درې کسان د انسان تښتونې پر تور ونیول شول

(Last Updated On: February 18, 2020) د کندوز ولایت په امام صاحب ولسوالۍ کې درې …