عاجل خبرونه

د ولسمشر کرزي د کار دوام غېر مشروع او د اساسی قانون خلاف دی

(Last Updated On: August 2, 2014)

2

د افغانستان د حقوق پوهانو ټولنه د روان کال د غبرګولي د میاشتی له لومړی نېټې د ولسمشر کرزي د کار دوام غېر مشروع او د اساسی قانون خلاف بولی.

دوی وایی، چی ولسمشر له یوی خوا د ځان د کار د دوام لپاره له قانون څخه سر غړونه کوي او له بلی خوا د نوی ولسمشر، چی د ټاکنو پر اساس ټاکل کېږی حقوق هم تلف کوی.

حامد کرزی، چی د ټاکنو له لارې په دویم ځل د افغانستان د ولسمشر په توګه و ټاکل شو. د هغه څه له مخې، چی په قانون کی ذکر شوي تر دوه میاشتی زیاته موده کېږی د هغه د حکومت کاري دوره پای ته رسېدلی ده.

د افغانستان د حقوق پوهانو ټولنه د ولسمشر کرزي د کار دوام غېر مشروع او د اساسی قانون خلاف بولی .

د حقوق پوهانو د ټولنې مرستیال محمد شریف رسولي او د حقوقو د پوهنځي استاد فیض الله جلال د ټاکنو د ستونزو تر شاه د ولسمشر لاس بولی. تر څو دی خپل واک ته دوام ورکړي.

دا حقوق پوهان همدارنګه وايي، چي نه يوازې ولسمشر له اساسي قانونه سر غړونه كړې بلكي د ټاكنو خپلواك كميسيون هم د ټاكنو د دويم پړاو په ځند سره اساسي قانون څخه تېر وتنه وكړه.

دوی د اساسي قانون څخه سر غړونه جرم او خيانت بولي او زیاتوي، چي بايد ولسمشر د اساسي قانون د رعايت لپاره د خپل كار د پای ته رسېدو سره سم ملي شورا ته مراجعه کړې وای يا د قدرت د تشي د ډكولو لپاره یی ملي اجماع جوړهکړې وای تر څو ټاكنيېزې ستونزې تر دې مرحلې پورې نه وای رسېدلې.

د اساسي قانون پر بنست د افغانستان دولسمشر كاري دوره په ۵ كال د جوزا مياشتي په لومړۍ نېټه پای ته رسېږي او بايد، چي ټاكني دوه مياشتي وړاندې تر سره شي تر څو دقدرت لېږد بل منتخب ولسمشر ته انتنقال شي.

خو اوس، چي ددغه حكومت د كار موده دوه مياشتي كېږي پای ته رسېدلې تر اوسه هم د ټاكنو د ستونزو له امله د دويم پړاو ټاكنو پايلي ندي اعلام شوي او د نوي منتخب ولسمشر حقوق ورځ تر بلي تلف كېزي.

About Ariana News

Avatar

Check Also

د پاورلیفتنګ غوراوي سیالۍ په کابل کې پیل شوې

(Last Updated On: August 24, 2019)په کابل کې د شنبې پر ورځ( د وږي ۲) …