عاجل خبرونه

د نوي افغان ولسمشر د لوړې په مراسمو كې له اوباما د گډون غوښتنه شوې

(Last Updated On: May 27, 2014)

2

ولسمشر حامد كرزي خپل امريكايي سيال ته د نوي افغان ولسمشر د لوړې په مراسمو كې د گډون بلنه وركړه.

د ولسمشرۍ ماڼۍ وايي، دا بلنه د دواړو مشرانو په وروستۍ تيليفوني اړيكه كې وركړ شوې ده.

د ولسمشر حامد كرزي د وياند مرستياله عادله راز وايي، چې:

باراك اوباما د افغانستان په لومړي پړاو ټاکنو کې د حامد کرزي او افغان ولس رول وستایه او هیله یې څرگنده کړه، چې دوه یم پړاو ټاکنی هم په بریاليتوب ترسره شي.

بارک اوباما د يكشنبې په شپه د بگرام هوایي اډې ته راغی او له امريكايي ځواكونو سره يي وكتل. ښاغلي اوباما خپل افغان سيال حامد كرزي ته په بگرام كې د ملاقات بلنه وركړه، خو حامد كرزي دا وړانديز رد كړ.

دا په داسې حال كې ده، چې د امریکا ولسمشر بارك اوباما په افغانستان كې خپله اوږده جگړه گټلې بولي او په افغانستان كې د شويو پرمختگونو په ساتنه ټينگار كوي.

هغه تمه وښوده، چې راتلونكى افغان ولسمشر به له امريكا سره امنيتي تړون لاسليك كړي.

About Ariana News

Check Also

حکومت د فساد پر ضد ننداریزه مبارزه کړې- د روڼتیا څار بنسټ

(Last Updated On: May 21, 2019)د افغانستان روڼتیا څار بنسټ موندنې ښیي، چې په حکومتي …