عاجل خبرونه

د نهرين ولسوالې اوسېدونكو د محلي پوليسو له جوړېدو سره مخالفت كړى

(Last Updated On: August 4, 2014)

vlcsnap-2014-08-04-18h38m06s110

د بغلان د نهرين ولسوالې اوسېدونكو په دغه ولسوالې كې د محلي پوليسو له جوړېدو سره مخالفت كړى. د دغې ولسوالې يو شمير اوسېدونكو د يوه لاريون په ترڅ كې ويلي دغه ولسوالې نا امنه نه ده او د محلي پوليسو جوړولو ته اړتيا نه لري.
د بغلان د نهرين ولسوالې لسګونه اوسېدونكي له دوو ورځو را په دېخوا لاريون كوي او په دغه ولسوالې كې د محلي پوليسو جوړېدل د محلي پوليسو د جوړولو د لايحې خلاف ګڼي.
دوى وايي، كه څه هم د نهرين ولسوالۍ امن ده او وسله وال مخالفين په كې فزيكي حضور نه لري، خو حكومت محلي پوليس، چې دوى په كې نه دي جذب شوي جوړ كړي دي.
په همدې وخت كې د بغلان د پوليسو قوماندان جنرال امین الله امرخېل وايي، دا لاريون هغو كسانو تنظيم كړى، چې سلګونه ميله غېر قانوني وسلې كاروي.
ښاغلى امرخېل همدارنګه وايي، د نهرين د ډبرو سكرو كان د غېر مسئولو وسله والو له خوا په داسې حال شوى، چې هغه شركت له ستونزو سره مخامخ كوي چې پکې د کارکولو تړون يې كړى.
د سيمې اوسېدونكي وايي، چې په نهرين ولسوالې كې د شين دره او چنارك په نومونو د ډبرو سكرو دوه كانونه موجود دي، چې دواړه يې د هنديانو له خوا ايستل كېږي.

About Ariana News

Avatar

Check Also

د پاورلیفتنګ غوراوي سیالۍ په کابل کې پیل شوې

(Last Updated On: August 24, 2019)په کابل کې د شنبې پر ورځ( د وږي ۲) …