عاجل خبرونه

د ننگرهار په هسکې مېنه کې د داعش څلور مرکزونه بمبارد شول

(Last Updated On: دسمبر 31, 2015)

vlcsnap-2015-12-31-15h49m53s43د افغانستان د ملي اردو جنگي الوتکو تيره شپه د ننگرهار په هسکې مېنه ولسوالۍ کې د داعش جنگیاليو څلور مرکزونه بمبارد کړي.

 

د ننگرهار والي ویاند عطاالله خوږیاڼی وايي، دا بمبارد د هسکې مينې ولسوالۍ په قلعه شیخان، دیوانه بابا او صندوق شاه سیمو کې شوی، چې په کې د مولوي هاشم په نوم د داعش د يوه قومندان په گډون ۲۵ جنگیالي وژل شوي او ۳۱ نور ټپیان دي.

 

هغه زیاتوي، په بمبارد کې د داعش ډلې د جنگیاليو څلور موترې،یو میل دهشکه او لسگونه سپکې وسلې هم له منځه تللي دي.

 

داپه داسې حال کې ده، چې دوه ورځې وړاندې افغان چورلکو په اچین ولسوالۍ کې ورته بمبارد کړې و، چې په کې د داعش له ۶۸ ډېر جنگیالي وژل شوي وه. داعش ډلې تراوسه په دې اړه څه نه دي ويلي.

 

About Ariana News

Check Also

د ولسمشرۍ مانۍ مخې ته د عدالت غوښتنې لاریون تر سره شو

(Last Updated On: نوومبر 12, 2018) سلګونه کسانو د دوشنبې پر ورځ( د لړم ۲۱) …