Connect with us

جلال اباد @ps

د ننگرهارد شېرزاد ولسوالۍ ولسوال ووژل شو

خپور شوی

د

(Last Updated On: لړم ۳, ۱۴۰۱)

د ننگرهارد شېرزاد ولسوالۍ ولسوال اصيل احمد خوږياڼى د سړك غاړې په ماين چاودنه كې له خپلودرې ساتونكيوسره وژل شوى او يوساتونكى يې ټپي دي.

امنيتي مسوولين وايي پېښه هغه مهال رامنځته شوې كله، چې ولسوال له خپلوساتونكوسره پخپل موټركې د سه شنبې په ورځ(د وږي په ۱۵) د ولسوالۍ پر لوري روان و.

د پېښې مسووليت وسله والو طالبانو په غاړه اخستى.

د ننگرهاروالي وياند احمد ضياء عبدالزى وايي:

د شېرزاد ولسوالۍ پر ولسوال اصيل احمد خوږياڼي دغه چاودنه د سه شنبې د ورځې په شا وخوا دولس نيمو بجو د ولسوالۍ په درې کيلو مترۍ کې رامنځته شوې ده.

نوموړى وايي:

د شېرزاد ولسوال اصيل احمد خوږياڼى پخپل موټر کې سپور و، چې د سړک غاړې ماين پرې د ريموټ کنټرول په وسيله وچاودېده.

عبدالزى وايي:

په دغه چاودنه کې ولسوال اصيل احمد خوږياڼى له خپلو درې ساتونکيو سره وژل شوى او يو تن  ساتونكى يې ټپي شوى دى.

نوموړى وايي:

پوليسو په سيمه کې پلټنې پيل کړي، خو تردې مهاله يې له پېښې سره په تړاو كې څوك نه دي نيولي.

وسله والو طالبانوادعا كړې، چې:

په چاودنه كې د اصيل احمد خوږياڼي په گډون د هغه درې ساتونكي هم وژل شوي دي.

شېرزاد د ننگرهار د خوږياڼو له درې ولسواليو يوه هغه نارامه ولسوالي ده، چې ډېرې سيمې يې د وسله والو مخاليفينوپه ولكه كې دي، چې له همدې لامله ترې ډېر وخت د مرگ و ژوبلې رپوټونه ترلاسه كيږي.

د يادونې ده، چې د اصيل احمد خوږياڼي تروژل كيدو وړاندې د ننگرهارڅلورنورولسوالان، خورشيد خوږياڼيوال، محمد علي ډمبلي، نعيم جان او سيد پهلوان هم په ورته چاودنوكې وژل شوي دي او زلمى ډډك له يو ځانمرگي بريد ژوندى وتلى دى

Advertisement
Click to comment

Leave a Reply

Your email address will not be published. Required fields are marked *

تازه خبرونه

بیات بنیاد په ننګرهار کې سلګونه اړمنو کورنیو ته خوراکي توکي ورکړل

Published

on

(Last Updated On: ليندۍ ۱۷, ۱۴۰۰)

د بیات بنیاد مسوولینو ويلي، د ننګرهار ولایت سلګونه کورنۍ د دغه بنسټ له ژمنیو مرستو برخمنې شوې.

په دې وروستیو کې د ننګرهار له یو شمېر ولسوالیو هغه خلک هم جلال آباد ښارته راکډه شوي، چې د تېر حکومت پرمهال جګړو، بېوسیو او ناوړه اقتصادي حالت د کورونو پریښودلو ته اړ کړي دي.

له همدې کبله بیات بنیاد له دغو اړمنو کورنیو سره د ژمنیو مرستو په لړ کې د جلال آباد ښار دغو اړمنو کورنیو ته د اوړو او وریجو په ګډون د مرستو یوه لویه ټولګه ولیږدوله.

د بيات بنياد مرستیال حاجي محمد اسمعیل خان وايي، چې پر جلال آباد  سربېره یې په هرات، بلخ، خوست، کندوز، کندهار او باميان ولايتونو کې هم له اړمنو کورنيو سره مرستې کړي دي.

 د دوی د څرګندونو له مخې؛ د مرستو موخه یې د اړمنو کورنیو لاسنیوي دی، چې په یو شمېر نورو ولایتونو کې به هم دغه لړۍ دوام ولري.

 د بیات بنیاد مسوولین  زیاته وي: د ژمي په دې ساړه موسم کې دا بشري مرستې نورو ولایتونو ته هم غزوي؛ ځکه، چې خلک ورته سخته اړتیا لري.

هغو اړو او مستحقو کورنیو، چې د بیات بنیاد مرستې ترلاسه کړې خوښ دي او له نورو مرستندویه بنسټونو غواړي، چې له اړو کورنیو سره مرستې وکړي.

په ننګرهارکې د کار او ټولنیزوچارو ریاست مسوولین هم د بیات بنیات له دغو مرستو خوښ دي او وايي؛ هغه بنسټونه، چې په دې برخه کې کارکوي ترې غوښتنه کوو، چې د بیات بنیات پر پل پل پورته کړي او هغو بېوزله هېوادوالو ته مرسته ورسوي، چې په لرې پرتو سیمو کې له بېوزلۍ او بېوسۍ سره مخ دي.

دا لومړی ځل ندی، چې بیات بنیات په جلال آباد ښار کې د خوراکي توکو مرسته کوي. له دې مخکې هم بیات بنیاد د هېواد په ختیځ کونړ، لغمان نورستان ولایتونو کې بېوزلو هېوادوالو ته مرسته رسولې.

یاده دې وي، چې بیات بنیات د دې ترڅنګ، چې د هېواد په یوشمېر نورولایتونو کې خلکو ته د څښاک د پاکو اوبو برابرولو، د جوماتونو، روغتیايي مرکزونو او ښوونځيو جوړولو په برخو کې هم ډېر کار کړی دی.

Continue Reading

تازه خبرونه

په ننګرهار کې د افغان او پاکستانیو ځواکونو نښتې مرګ و ژوبله رامنځته کړې

Published

on

(Last Updated On: وږی ۱۳, ۱۳۹۹)

نن ماښام د ننګرهار ولایت د مومند درې ولسوالۍ په غوړکي سیمه کې د افغان او پاکستانیو سرحدي ځواکونو ترمنځ نښته رامنځته شوه.

د ننګرهار والي ویاند عطاء الله خوږیاڼي ویلي: نښته هغه وخت رامنځته شوه، چې پاکستانيو سرتېرو غوښتل په سیمه کې نظامي تاسیسات جوړ او اغزن تار وغزوي؛ خو د افغان ځواکونو لخوا یې مخه ونیول شوه.

خوږیاڼي زیاته کړې، چې په دې پېښه کې یو سرحدي پولیس وژل شوی او درې نور ټپیان دي.

د والي ویاند دا هم ویلي، چې د نښتو پرمهال ځايي خلکو هم  سیمه پریښوه او وتښتیدل.

دغه راز ویل شوي، چې لومړى ګوزار پاکستاني لوري کړى دی.

هغه وايي، نښته اوس دریدلې؛ سيمې ته د څار او څېړنې ډله استول شوې ده.

د نوموړي د څرګندونو له مخې؛ پاکستانيو ځواکونو ته هم زیان رسیدلی؛ خو شمېر یې معلوم ندی.

پاکستان تر دې دمه په دې اړه څه نه دي ویلي.

Continue Reading

تازه خبرونه

پر ننګرهار زندان د ډله ییز برید له کبله د سلګونه تښتیدليو بندیانو یو شمېر بېرته نیول شوي

Published

on

(Last Updated On: زمری ۱۳, ۱۳۹۹)

د ننګرهار سیمه ییزو چارواکو په ډاګه کړې، چې د دې ولایت پر مرکزي محبس د داعش جنګیالیو د برید پر مهال د سلګونه  تښتیدليو بندیانو یو شمېر بېرته نیول شوي دي.

د ننګرهار والي ویاند عطاالله خوږیاڼي ويلي؛ د برید له کبله د تښتېدلیو زندانیانو شمېر خورا مهم دی؛ خو تر دې دمه کره شوی ندی.

نوموړي زیاته کړې، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

ویل کیږي، چې د جګړې د پیل پر مهال ۱۷۰۰ بندیان په زندان کې دننه ول، چې یو شمېر یې د داعش غړي وه.

د جګړې په بهیر کې سلګونه بندیان بریالي شول، چې وتښتي؛ خو امنیتي ځواکونو یو شمېر بېرته ونیول.

له محبس څخه راوتلی اسلام الدین نومي آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د کورنیو چارو وزارت د څرګندونو له مخې؛ پرون مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

دفاع وزارت نن ماښاو څرګنده کړې، چې برید له څه ناڅه ۲۰ ګړیو وروسته د بریدګرو په وژل کیدو پای ته رسیدلی، چې په کې ۳۰ کسام وژل شوي او ۵۰ ټپیان دي.

د یادونې ده، چې دغه برید اوړمه ورځ جلال آباد ښار ته نږدې د ملي امنیت د ځانګړیو ځواکونو په عملیاتو کې د داعش د یوه استخباراتي مشر اسدالله اورکزي له وژل کیدو یوه ورځ ورسته رامنځته شوی او نن له غرمې وروسته د بریدګرو په وژل کیدو پای ته رسیدلی دی.

Continue Reading

Trending

Copyright © 2022 Ariana News. All rights reserved!