Connect with us

تازه خبرونه

د ملي اردو پوځیانو په لومړي ځل شپني عملیات تر سره کړل

خپور شوی

د

(Last Updated On: لړم ۲, ۱۴۰۱)

د ملي دفاع وزارت وایي، د ملي اردو پوځیانو په لومړي ځل د سوپرتوکانو الوتکو پر مټ شپني بریدونه تر سره کړل، چې په کې د طالبانو د رورګان یو مرکز ویجاړ شوی دی.

د افغانستان ملي دفاع وزارت څرګنده کړې، چې د ملي اردو لومړنی هوایي ماموریت په روزګان ولایت کې د طالبانو پر یو مرکز تر سره شوی، چې په د ملي اردو ځواکونو سوپر توکانو الوتکې د شپني عملیاتو لپاره وکارولې.

د ملي دفاع وزارت ویلي، چې د ملي اردو د تلفاتو د کمیدو لپاره هوایي بریدونه دوه برابره ډېر شوي دي.

د ملي دفاع وزارت ویاند غفور احمد جاوید وایي: د نورو الوتکو پلوتانو ته هم د زدکړو بهیر روان دی، چې دوی هم د دښمن پروړاندې بریالي شپني بریدونه تر سره کړي.          

له دې مخکې افغان ځواکونو په شپنیو عملیاتو کې یو لړ محدویتونه درلودل او تر ډېره پر بهرنیو ځواکونو تړلي وه.

پخواني پوځیان دا عملیات د ځواکونو د تلفاتو د کموالی لپاره اغېزمن ګڼي او وایی، مخکې هم د MD-530 الوتکو او بلک هاک چورلکو پر مټ ورته بریدونه شوي دي.

پخوانی پوځي محمد رادمنش وایي: د عصري پوځي ځواک کارول به دښمن قانع کړي، چې جګړه ورته ګټه نه رسوي او دا بریدونه به یې اړ کړي، چې سیاسي بهیر ته مخ راوګرزوي.           

سیمه ییز چارواکي وایي، له څه وخت راپدیخوا په فراه، روزګان، غزني، هلمند او څو نورو ناامنو ولایتونو کې د وسلوالو مخالفانو پر ضد هوایي بریدونه تر سره شوي دي.

دا په داسې حال کې ده، چې افغان ځواکونه اوس هم پرمختللیو هوایي تجهیزاتو ته لاسرسی نلري او د عملیاتو د تر سره کیدو لپاره پر بهرنیو ځواکونو تړلي دي. په روان کال کې د ملي اردو شاوخوا لس چورلکې د تخنیکي نیمګړتیاوو او یا هم د طالبانو لخوا سقوط شوي دي. کومې پېښې، چې په کې پوځیان او پیلوتان هم قرباني شوي دي.

خبریال: شاهپور فرهمند

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!