عاجل خبرونه

د ملا منصور پلویانو له رهبرۍ څخه د هبت الله د ګوښه کولو غوښتنه کړې

(Last Updated On: January 07, 2018 12:42 pm)

د طالبانو د پخواني مشر ملا اختر محمد منصور پلویانو په یوه اعلامیه کې د طالبانو د اوسني مشر ملا هبت الله د ګوښه کولو غوښتنه کړې او له طالبانو غوښتل شوي، چې نور یې ملاتړ ونکړي.

دغه اعلامیه د هېواد د لویدیځې حوزې د طالبانو لخوا خپره شوې ده.

په دې اعلامیه کې د ملا اختر محمد منصور د پلویانو درې د اړیکو شمېرې او د برښنا لیک یوه پته راغلې او له طالبانو غوښتل شوي، چې خپل اندونه او وړاندیزونه پر دغو پتو وړاندې کړي، چې د اړوند مشرانو لخوا پرې بشپړ غور تر سره شي.

د دغې اعلامیې په یوه برخه کې دا هم راغلي، چې د ملا هبت الله په پېر کې زرګونه طالبان د پاکستان کویټې ته کډوال شول؛ خو هلته د دغه حکومت د استخباراتو لخوا وژل شوي دي.

د چارو شنونکیو د هېواد د لویدیځې حوزې په ولسوالیو کې د طالبانو پراخ شتون او بېلابېلې هڅې د ملي امنیتي او استخباراتي ادارو کمزوري بولي او وایي، چې نه غواړي د طالبانو د دغو هڅو مخه ونیسي.  

د هرات والي ویاند جیلاني فرهاد د اعلامیې خپریدل منلي او د دغې اعلامیې د خپریدو په غبرګون کې وایي، چې طالبان د ملا محمد عمر له مړینې وروسته پر بېلابېلو ډلو وېشل شوي دي.

هغه زیاتوي، د ملارسول او ملا هبت الله په مشرۍ دوه پراخې ډلې تل په هېواد کې سره ښکېلې پاتې شوي او په ځانګړي توګه په لویدیځه حوزه کې وسلوالې شخړې هم کوي.

About Ariana News

Check Also

د وګړیو د احوال ثبتولو ادارې د کاغدي تذکرو د وېش لړۍ ودروله

(Last Updated On: September 18, 2018 6:39 pm) د وګړو د احوال ثبتولو ادارې رییس …