د كندهارپه پنجوايي ولسوالۍ كې د لس بستريز روغتون د بنسټ ډبره كـېښودل شوه

(Last Updated On: September 17, 2011)

نوموړى روغتون د امريكا د متحده ايالاتو له لوري د شپېته زره امريکايي ډالرو پرلگښت جوړيږي، چې لس بستره لري او د سيمې د ۶۰۰۰۰ اوسيدونكيو لپاره روغتيايي خدمات برابروي.

ياد  بشپړ لس بستريز روغتيايې مركز، چې د ۳۰ زرو څخه بيا تر۶۰ زرو ناروغانو لپاره بسنه كوي؛ د پېنځه مياشتو په موده كې به  يې د جوړونې كار د يوه خصوصي ساختماني شركت لخوا بشپړشي.

د كندهارد عامه روغتيا رييس ډاكټرعبدالقيوم پخلا د نوموړي روغتون د بنسټ د ډبري د ايښودلو پرمهال خبريالانو ته وويل، چې د پنجوايي ولسوالۍ د بازارپه پخواني روغتو ن كې د ناروغانو د درملنې پرمهال د ځاى د نه شتون له كبله يې د يو بل روغتيايي مركزد جوړولو پلان جوړكړ.

ډاكټر پخلا وايي ياد روغتون، چې په يو پوړ كې د امريكا د متحده ايالاتو پرمالي مرسته د ۶۰ شپېته زره امريكايي ډالرو پر لگښت جويږي؛ ۹ روغتيا يي خونې او بشپړروغتيايي سامان الات  به ولري.

په نوموړي لس بستريزروغتون كې  به داخله ، ساري ، جراحي، نسايې ولادي او د ماشومانو د واكسين څانگي هم فعاله شي، چې د ۲۴ساعتونو لپاره به د خلكو په خدمت كې وي.

د پنجوايي ولسوالۍ په بازار او ليريو پرتو سيمو كي پېنځه روغتيايې مركزونه لري، چي دوه يې فعاله او درې په ليريو پرتو سيمو كې د ناامنيو له كبله تړل شوي، چې د روغتيايي چارواكو په خبره په نژدې راتلونكي كې به يې د ځايي اوسيدونكيو او قومي مشرانو په مرسته بېرته فعاله كړي

About ATN News

Avatar

Check Also

ځوان فرهنګي عادل خپل واده د ۵۰۰۰ افغانیو پر لګښت تر سره کړ

(Last Updated On: October 11, 2019) د پکتیا ولایت ځوان فرهنګي بریالی شو، چې په کابل …

Leave a Reply

Your email address will not be published.