عاجل خبرونه

د كابل پوليس وايي چې د ترهګریزو بریدونو په تور یې يوه ډله نيولې ده

(Last Updated On: February 1, 2015)

POLICE   _01_02_2015_DARI_SOT.avi_snapshot_00.51_[2015.02.01_19.26.25]

 

د كابل د امنيې قوماندان وايي چې په کابل ښار كې يې د وروستيو ترهګریزو بریدونو په تور يوه ډله نيولې چې د كابل د پنځمې حوزې په سيمه كې یې د محكمې د یوه محرر او يوه پوليس د ترورولو په هکله اعتراف هم کړی دی.

د كابل امنيې قوماندان مل پاسوالعبدالرحمن رحيمي وايي چې د پلازمينې د امنيت د خونديتوب په موخه يې له نورو امنيتي ارګانونو سره په ګډه پلان جوړ كړى دى چې په وینا يې د عملي کولو لپاره یې تازه هڅې پیل کړي دي.

د هغه په وینا د همدغو عملیاتو په لړ کې يې د کابل د ابتدایه محکمې د دویم زون د تحریراتو د امر او په میرویس میدان کې د یوه پولیس د وژنې او بل د ټپي کولو په تور يې یوه ډله نیولې ده.

نیول شوي کسان وايي چې له پلازمینې سر بیره دوی په سويل ختيځو ولايتونو كې هم وسلوال فعالیتونه اوبریدونه کړي دي.

د کابل امنیتي مسولین وايي چې د پیل کړیو عملیاتو په لړ کې يې د ترهګریزو فعالیتونو او جنايي جرمونو په تور یو اتیا کسان نیولي دي.

About Ariana News

Avatar

Check Also

حکومت د خلکو د امنیت په ساتنه کې ناکام دی- د بشرحقونو خپلواک کمیسیون

(Last Updated On: August 18, 2019)د بشرحقونو خپلواک کمیسیون د تېرې شپې د واده پر …