عاجل خبرونه

د غور تیورې ولسوالي د طالبانو تر ولکې لاندې راغلې

(Last Updated On: July 23, 2017)

د غور والي غلام ناصر خاضع د دغې ولسوالی سقوط منلی دی.

په غور کی سیمه ییزې سرچینې وایي؛ له دوه ورځو را په دیخوا تر درې سوه پورې طالبانو، چې له نورو ولایتونو هم راغلي پر یادې ولسوالۍ ګډ بریدونه کړي دي.

د غور ولایت د پولیسو ویاند اقبال نظامي وایي، طالبانو د ولسوالۍ له نیولو وروسته د دولتي روغتون پر داکترانو او ناروغانو ډزې کړي، چې ښځې او ماشومان هم په کې مړه شوي او ټپیان دي.

د نوموړي د وینا له مخې؛ د ولسوالۍ ډېرې دولتي ودانۍ هم سوځول شوې دي.

د ملي اردو یوې سرچینې په ډاګه کړې، چې د ملي اردو ۹ او د ملي امنیت سرتېري، چې پر ولسوالۍ د برید پر مهال ټپیا شوي وه؛ د دې ولایت مرکز قلعه نو ته لیږدول شوي دي.  

دې سرچینې دا هم ویلي، چې په نښته کې ۳۰ امنیتي ځواکونو هم خپل خوږ ژوند له لاسه ورکړی دی.

About Ariana News

Avatar

Check Also

که امریکا خپلو ژمنو ته ژمنه پاتې نشي، جګړه به وغزوو- د طالبانو ګواښ

(Last Updated On: August 20, 2019)د طالبانو د سیاسي دفتر ویاند سهیل شاهین آریانا نیوز …