عاجل خبرونه

د غورماچ ولسوالۍ د بېرته نيولو عمليات پيل شوي

(Last Updated On: اکتوبر 18, 2015)

7 naqibullah faeiq

په فارياب كې د ملي اردو قوماندان شيرين شاه كوهبندي وايي، چې د غورماچ ولسوالې د بېرته نيولو په موخه په عملياتو كې څلويښت وسلوال وژل شوي دي.

د فارياب د غورماچ ولسوالې مركز تيره شپه د وسلوالو له خوا له يو ډله ییز بريد وروسته ونيول شو.

په ولسي جرگه كې د فارياب د خلكو استازى نقيب الله فايق وايي، وسلوالو طالبانو له څو ورځو را په ديخوا پر غورماچ ولسوالۍ له څو لوریو بريد وكړ، چې د يكشنپې په شپه د وسلوالو لاس ته ولويده.

هغه زیاتوي، وسلوالو يو شمېر وسلې او مهمات هم نيولي دي.

د فارياب د ولايتي شورا رييس سيد عبدالباقي هاشمي وایي،په وخت د مهماتو نه رسيدل،په وخت د كارمندانو دمعاش نه وركول او د حكومت نه پاملرنه د غورماچ د سقوط لامل گڼي.

په غورماچ كې د پوليسو د پېنځه سوه كسيزې قطعې قوماندان سيد آصف وايي، د مهماتو لږوالى او په وخت نه رسيدل د دوى د په شاتگ لامل شو.

د فارياب امنيتي چارواكي وايي، دا ولسوالي به د وسله والو په لاس كې پري نږدي.

غورماچ په فارياب كې ناامنه ولسوالې ده، چې تل وسلوال پرې بريد كوي او امنيت يې اغېزمنوي.

About Ariana News

Check Also

خلیلزاد د ولسمشریزو ټاکنو د ځنډیدو وړداندیز کړی

(Last Updated On: نوومبر 13, 2018) وال ستریت ژورنال په ډاګه کړې، چې، ترمپ د …