د غزني د جنایي مدیریت چارواکی پر بې غږه تفنګچې ترور شوی

(Last Updated On: سپتمبر 28, 2017)

د  غزني امنیه قومندانۍ د جنایي جرمونو پروړاندې د مبارزې سیمه ییز آمرحمید ودان نن په یوه وسلوال برید کې ووژل شو.

د غزني والي ویاند محمد عارف نوري وايي، حمید ودان دندې ته روان و، چې د غزني ښار د درېیم پلان په سیمه کې وسلوالو پر بې غږه تفنګچې ویشتی او وسلوال پر تېښته بریالي شوي دي.

سره له دې، چې د پېښې پړه چا پر غاړه نه ده اخیستې؛ خو د غزني محلي چارواکي په دې وژنه کې طالبان پړه ګڼي.

د یو شمېر څرګندونو له مخې دا په تېرو دوه اوونیو کې درېیم پوځي کس دی، چې وژل کیږي.

About Ariana News

Check Also

د هند منفي کړنې د افغانستان د سولې بهیر زیانمنولی شي- پاکستان

(Last Updated On: فبروري 19, 2019) په کابل کې د پاکستان سفیر وایي، که هند …