د غزني په خوږياڼيو كې درې پروژې د پلي كيدو په حال كې دي

(Last Updated On: August 29, 2011)

د غزني د خو ږياڼيو ولسوال وايي:

په دې ولسوالۍ كې د بيارغونې د ولايتي ډلې په همكارۍ د څه نا څه دوه ميليون ډالرو په ارزښت درې پروژې د تطپيق په حال كې دي.

هغه دغه راز د دغه ولسوالۍ امنيتي وضعيت ښه گڼي او وايي:

په پام كې ده د دغې ولسوالۍ د سړك د پخولو چارې ډېر ژر پيل شي .

د غزني د خوږياڼيو ولسوال باشي حبيب وايي:

د پوليسو د كوماندانۍ او ولسوالۍ وداني او د يوه ۱۲ بستريز كلينيك جوړول په دې ولسوالۍ كې هغه پروژې دي، چې د جوړولو چارې يې په سلو كې څلويښت پرمخ تللې دي.

دا پروژې په داسې حال كې تطبيقيږي، چې څه موده وړاندې د غزني د پوليسو كوماندان زړور زاهد ويلي وه، چې:

د دغه ولايت په ځينو ناامنو ولسواليو كې د دولتي ادارو مسوولين نشته، هغه د دې كار لامل د ملكي ادارو لپاره د ودانۍ نشتوالى بللى و.

د  خوږياڼيو ولسوال وايي:

دا ولسوالي څه ناڅه ۱۴ زره اوسيدونكي لري، چې د غزني ښارپه ۱۵ كيلومترۍ كې پرته ده او له  چغتو ، رشيدانو او ناور ولسواليو سره گډه پوله لري .

About ATN News

Avatar

Check Also

په هېواد کې لومړنی ځمکنی ترمینل جوړ او ګټې اخیستنې ته وسپارل شو

(Last Updated On: August 30, 2019)په هېواد کې د شمال او شمال ختیځو سیمو لپاره …

Leave a Reply

Your email address will not be published.