عاجل خبرونه

په غزني كې د وسله والو بريد د ۱۹ بريد گرو په وژل كيدو پاى ته ورسيد

(Last Updated On: September 4, 2014)

2

د غزني چارواكي وايي، چې وسله والو نن سهار(د وږي ۱۳)په غزني كې د چټك غبرگون د قطعې پر قوماندانۍ او ورڅيرمه نورو ودانيو بريد وكړ.

په غزني کې د چټک غبرگون قوماندان پاچا خان وايي؛ وسلوال بریدگرټول ۱۹ کسان ول ، چې د پولیسو جامې یې په غاړه وې.

د نوموړي په وینا، بریدگرټول وژل شوي دي.

ښاغلی پاچا خان زیاتوي، په دې برید کې اته پولیس وژل شوي او شپږ نور ټپیان دي.

له بلې خوا د غزني د ولايتي روغتون مسوولين وايي، چې دغه روغتون ته د بريد له سيمې څخه اويا ټپيان وروړل شوي، چې د ډېرو روغتيايي حالت نازك او كابل ته ليږدول شوي دي.

همدا راز په غزني ښار كې د يو خصوصي روغتون مسوولينو ويلي، چې له پېښې څخه تر نوي پورې ټيپان وروړل شوي دي.

 عيني شاهدانو ويلي، چې په دې پېښه كې څه نا څه ۱۰ ملکي وگړي وژل شوي او ۱۵۰ نورټپیان دي.

About Ariana News

Avatar

Check Also

سپینې ماڼۍ د اسامه بن لادن د زوی مرګ ښکاره کړ

(Last Updated On: September 14, 2019)د امریکا ولسمشر دونالد ترمپ ښکاره کړې، چې د القاعده …