عاجل خبرونه

د غزني د تاريخي آبداتو د بيا رغونې هوكړه ليك لاسليك شو

(Last Updated On: October 5, 2011)

د افغانستان د اطلاعاتو او فرهنگ وزارت وايي:

غزني نه يوازې د افغانستان، بلكې د ټولو اسلامي هېوادونو شريك فرهنگي ميراث دى.

د غزني ښارد تاريخي آبداتو د بيارغونې په موخه د افغانستان د اطلاعاتو او فرهنگ وزارت او په كابل كې د ايران سفارت ترمنځ يو هوكړه ليك لاسليك شو.

د اطلاعاتو او فرهنگ وزارت چارواكي وايي:

د دې هوكړه ليك له مخې به ايران د دغه ښار د يو شمېرتاريخي آبداتو په بيارغونه كې همكاري كوي .

د آريانا راډيو- ټلويزيون خبريال اسلم حجاب څرگندوي، چې:

د افغانستان د اطلاعاتو او فرهنگ وزيرسيد مخدوم رهين د سه شنبې په ورځ(د تلې په ۱۲) وويل، چې د غزني د تاريخي آبداتو د رغونې چارو ته يې چټكتيا وركړې ده.

ښاغلي رهين تاكيد و كړ، چې:

د دې هڅو په لړكې به ډېر ژر د المان د مونيخ پوهنتون يوه ډله افغانستان ته راشي او په دې برخه كې به كارپيل كړي.

د اطلاعاتو او فرهنگ وزير، چې په كابل كې يې د ايران له سفير فدا حسين مالكي سره د غزني ولايت د تاريخي آبداتو په بيارغونه كې د همكارۍ هوكړه ليك لاسليك كړ؛ خبري غونډې ته څرگنده كړه، چې:

غزني د ټولو اسلامي هېوادونو يو گډ فرهنگي ميراث دى او په بيارغونه او ساتنه كې بايد له افغانستان سره همكاري وشي.

د اطلاعاتو او فرهنگ وزير سيد مخدوم رهين په دې اړه د ايران له همكارۍ خوښي وښوده او غوښتنه يې وكړه، چې:

سپارل شوي كارونه  دې له ۲۰۱۳ ع كال وړاندې بشپړشي.

په افغا نستان كې د ايران سفير فدا حسين مالكي وايي، چې:

غزني يو له هغو ښارونو څخه دى، چې ټوله اسلامي نړى ورسره ژورې ا ړيكې لري.

نوموړي همدا راز ژمنه وكړه، چې:

په دې برخه كې به خپل كارونه له ۲۰۱۳ع كال وړاندې بشپړكړي.

نوموړى وايي، چې:

په دې برخه كې به ډېرژر د ايراني كارپوهانو يوه ډله افغانستان ته راشي.

د افغانستان د اطلاعاتو او فرهنگ وزيرپه وينا:

كه څه هم د غزني او هېواد د نورو تا ريخي بنسټونو، د رغونې او ساتنې لپاره ډ ېرې بود يجې او مالي امكاناتو ته اړتيا شته، خو د غزني د بيارغاونې په برخه كې دغه وزارت ته د افغانستان حكومت له خوا د روان كال لپاره لس ميليون ډالره پانگه ځانگړې شوې.

د يادونې وړ ده، چې دغه ښار به په ۲۰۱۳ع كال كې د اسلامي هېوادونو د تمدن د مركزپه توگه و نومول شي.

About ATN News

Avatar

Check Also

د آسیا پراختیایي بانک له اقتصادي پروژو څخه د ملاتړ ډاډ څرګند کړ

(Last Updated On: July 19, 2019)د آسیا پراختیايي بانک مسوولینو ډاډ څرګند کړی، چې په …

Leave a Reply

Your email address will not be published.