د عوایدو کچه ۱۳ ملیاردو افغانیو ته لوړه شوې ده

(Last Updated On: سپتمبر 28, 2014)

2

دمالیې وزارت چارواکي وایي، چي په تېرو دریو میاشتو کې د افغانستان د عوایدو کچه ۱۳ ملیاردوافغانیو ته لوړ شوي دي.

دوی تمه ښيي، چې د نوي حکومت د کار د پېل سره به عواید نور هم ډېر شي او سوداګري به وده وکړي.

د ماليې وزارت مسئولینو ډاډ څرګندکړ، چې د دولتي مامورینو د معاشونو په ورکولو کې هېڅ ستونزه نلري.

وروسته له هغې، چې داسې رپوټونه خپاره شول، چې مالیه وزارت د ملکي مامورینو د معاشونو د ورکولو توان له لاسه ورکوي، مشرانو جرګې د دغه وزارت چارواکي د پوښتنو لپاره را وبلل.

د پرمختیايي پروژو ځنډېدل د مشرانو جرګې د غړو بله اندېښنه وه، چې د ماليې وزارت مرستیال ته يې وړاندې کړه.

د ماليې وزارت د پالیسۍ مرستیال شفیق احمد قاري زاده وویل:

د ناوړه اقتصادي شرایطو سره سره دوی په تېرو دریو میاشو کې د عواېدو را ټولول جدي نیولي و، چې له همدې کبله د عوایدو کچه له اتو میلیاردو افغانیو څخه ۱۳ میلیاردو افغانیو ته لوړه شوه.

د مالیې وزارت مرستیال ډاډ څرګند کړ، چې د نوي حکومت د کار له پېل سره به د هېواد اقتصاد وغوړېږي او نړیوال به له افغانستان سره مرستې وکړي.

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …