د سولې بهیر په اړه پېنځمه غونډه د روانې مياشتې په وروستیو کې جوړیږي-پاکستان

(Last Updated On: مې 13, 2016)

vlcsnap-2016-05-13-11h38m32s54

پاکستان وايي، په افغانستان کې د سولې بهیر په اړه د څلورهېوادونو پېنځمه غونډه د روانې مياشتې په وروستیو کې جوړیږي.

دا خبرې د پاکستان د بهرنیو چارو وزارت ویاند نفیس زکریا د پنجشنبې په مازيګر په اسلام آباد کې خپلې  اوونیزې خبري غونډې ته کړي.

د پاکستان د بهرنیو چارو وزارت په خبره؛ که څه هم د دغې غونډې نېټه تر اوسه نه ده ټاکل شوې، خو زیاتوي: کیدای شي د همدې روانې مې مياشتې په وروستیو کې  وشي.

نفیس زکریا زیاته کړې، خبرو ته د طالبانو راوستل آسانه چاره نه ده.

هغه زیاتوي، له افغان حکومت سره مخامخ خبرو ته د طالبانو راوستل د څلور واړو هېوادونو ګډ مسوولیت دی.

د پاکستان بهرنيو چارو وزارت ویاند وايي؛ طالبان د خبرو له لارې هغه څه ترلاسه کولی شي، چې له بلې لارې یا د جګړې له لارې يې هېڅکله هم نه شي ترلاسه کولی.

په افغانستان کې د تلپاتې سولې له پاره د سولې دا بهير د روان عیسوي کال په لومړۍ میاشت کې پیل شوی، چې تراوسه يې څلور غونډې په کابل او اسلام آباد کې جوړې شوې دي.

About Ariana News

Check Also

طالبان دې له افغان حکومت سره مخامخ خبرو ته حاضر شي- پمپیو

(Last Updated On: مارچ 19, 2019)د امریکا د بهرنیو چارو وزیر مایک پمپیو له طالبانو …