عاجل خبرونه

د سرپل ولایت د ده مرده کلی طالبانو بیا ونیوه

(Last Updated On: August 29, 2016)

vlcsnap-2016-08-29-16h00m28s112

د سرپل ولایت ولایتي شورا وایي، چې د دغه ولایت د سنچارک ولسوالۍ ده مرده کلي يو ځل بیا طالبانو ونیوه.

دغه شورا د دغه کلي د نیولو پړه پر سیمه ییزو ځواکونو اچوي او وایي، چې د سیمې په ساتلو کې یې بشپړه پاملرنه نه ده کړې.

د سرپل ولایتي شورا غړی محمد حسین مجاهد زاده وایي، د ده مرده کلی د یکشنبې په ورځ مازیګر مهال طالبانو ونیوه او د ملي اردو ځواکونو له مقاومت پرته له دغه کلي شاتګ کړی دی.

په دې برید کې سیمه ییزو پاڅونوالو او طالبانو ته مرګ و ژوبله اوښتې ده.

د ملي ځواکونو مسوولینو د خپلو ځواکونو د مرګ و ژوبلې په اړه څه نه دي ویلي.

د سرپل ولایت د سنچارک ولسوالي او د مرکز په اړوند نورو سیمو کې له یوې میاشتې راهیسې نښتې روانې دي.  

دا په داسې حال کې ده، چې د سرپل ولایت کوهستانات ولسوالي له تېر یو کال راهیسې د طالبانو په ولکه کې ده.

About Ariana News

Check Also

مسکو د افغان سولې درې اړخیزې ناستې ته چمتوالی نیولی

(Last Updated On: April 23, 2019)په کابل کې د روسیې سفارت په ډاګه کړې، چې …