لوبی
د ساحلي وليبال سياليو لومړى پړاو د سرې مياشتې په اتلوالۍ تر سره شو
په كابل كې دغه سيالۍ له دوه ورځو راپديخوا پيل شوې وې، چې له څلورو ولايتونو ۱۴ ډلې يې گډونوال ول.
د سرې مياشتې لوبډلې ثروت افغان لوبډلې ته ۲ پر ۱ ماته وركړه او لومړى مقام يې تر لاسه كړ؛ د ثروت افغان او ښوونې او روزنې ټيمونو په ترتيب دوه يم او درېيم مقامونه خپل كړل.
له دغو لوبو موخه د وليبال ملي لوبډلې ته د لوبغاړو غوره كول گڼل شوي، چې په هغواسيايي لوبو كې گډون وكړي، چې په سريلانكا كې د اكتوبر په ۵ تر سره كيږي
![](https://www.ariananews.af/wp-content/uploads/2020/09/ATNNewsNewLogo2020.png)
لوبی
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
![](https://www.ariananews.af/wp-content/uploads/2024/04/Paris.jpg)
آریانا نړیواله ټلویزیوني شبکه خپلو مینهوالو ته له خوښیو پر ډک زیري څرګندوي، چې د نړۍ د یوې سترې سپورټي پېښې ( ۲۰۲۴ پاریس المپیک سیالۍ) د خپراوي حق یې ترلاسه کړی دی.
د ۲۰۲۴ پاریس المپیک سیالۍ به پر رسمي، قانوني او ځانګړي توګه له آریانا ټلویزیون څخه خپرې شي.
دا لوبې به د جولای پر شپږویشتمه پیل او د اګست تر یوولسمې به روانې وي.
آریانا ټلویزیون تل هڅه کړې، چې د افغانستان خلکو ته غوره ملي او نړیوالې لوبې خپرې کړي.
په تېرو څو کلونو کې آریانا ټلویزیون د کرکټ په ګډون د فوټبال، فوټسال او المپیک سپورټي سیالۍ خپرې کړې دي.
آریانا تلویزیون د ۲۰۲۰ ز. کال توکیو لوبې او د ۲۰۲۲ کال د بیجینګ ژمنۍ لوبې هم په ځانګړي توګه خپرې کړې دي.
د ۲۰۱۶ کال ریو لوبې هم په ځانګړي توګه آریانا ټلویزیون خپرې کړي.
د ۲۰۲۴ پاریس المپیک سیالیو پیل ته درې میاشتې پاتې دي؛ خو رسمي بهیر یې روان دی.
د سې شنبې پر ورځ د المپیک چارواکو ټینګار وکړ، چې د پاریس لوبې به د یو نوی پړاو زیری له ځان سره ولري او د تېر پر پرتله به ځوانې، پراخې، پوره ښاري او باثباته وي.
د المپیک نړیوالې کمیټې مشر توماس باخ ویلي: دا به د اولمپیک لومړۍ لوبې وي، چې د جنسیت پر برابرۍ ترسره کیږي؛ ځکه، چې نړیوالې کمیټې په سلو کې ۵۰ ځایونه نرینه او ښځینه لوبغاړو ته ځانګړي کړي دي.
د پاریس د دغو لوبو تنظیمولو کمیټې مشر توني سټنګوټ ویلي، چې ښځو د لومړي ځل لپاره په ۱۹۰۰ ز. کال کې د پاریس د لوبو کډونوالې شوې.
دغه راز د ۲۰۲۴ پاریس المپیک مشال د سې شنبې پر ورځ د یونان په اولمپیا کې پخپله لرغونې بڼه د نړیوالو بحرانونو تر سیوري لاندې له هیلو ډک روښانه شو.
توماس باخ په دې مراسمو کې ویلي: په پخوانیو وختونو کې د اولمپیک لوبو د یونان دولتونه په ځانګړي توګه د جګړو او نښتو پر مهال سره نږدې کول.
باخ زیاته کړې: نن د المپیک لوبه یوازنۍ پېښه ده، چې ټوله نړۍ په سولهییزو سیالیو کې سره یو ځای کوي. لکه څنګه، چې نن د اولمپیک لوبغاړي دا پیاوړی پیغام لېږدوي: هو! دا ممکنه ده، چې له یو بل سره سخته سیالي وکړو؛ خو بیا هم تر یوه چتر لاندې سولهییز ژوند ولرو.
په يونان کې يوولس ورځنی لاریون روان دی او شاوخوا شپږ سوه کسان به د اورلمبه د هېواد په ٤١ سیمو کې پېنځه زره کيلومټره ولېږدوي.
د اولمپيک مشال به د اپريل پر شپږویشتمه په پاناتنائيک لوبغالي کې د يو لړ مراسمو پر مهال د لوبو تنظيموونکیو ته، چې د ١٨٩٦ کال د اولمپيک د لومړيو عصري لوبو ځای دی؛ وسپارل شي.
لس زره مشال لېږدوونکي به دا لمبه د فرانسې ۶۴ سیمو ته ولیږدوي.
مشال به د خپل ۱۲ زره کیلومټري سفر په بهیر کې له ۴۰۰ ښارونو او لسګونو سیاحتي سیمو فرانسې او له فرانسې بهر د کارابین بحر، د هند بحر او ارام سمندر له سیمو تېر شي.
د ۲۰۲۴ پاریس المپیک لوبو پرانیستلو مراسم به د جولای پر شپږویشتمه ترسره شي.
د یادولو ده، چې د ۲۰۲۴ پاریس المپیک لوبو لیوال کولی شي په ټول افغانستان کې د دغو سیالیو د جزئیاتو معلومولو لپاره آریانا او آریانانیوز اوبپاڼې وګوري او وڅاري.
لوبی
د افغانستان اتلانو ليګ د درېيم پړاو سیالیو پچهاچونه پای ته ورسېده
![](https://www.ariananews.af/wp-content/uploads/2024/04/ACL-Draw.jpg)
په کابل کې د دوشنبې پر ورځ ( د وري اووهویشتمه) له غرمې وروسته د افغانستان اتلانو لیګ درېیم پړاو سیالیو د مهالوېش ټاکلو لپاره د پچېاچونې مراسم ترسره شول.
د افغانستان فوټبال فدراسیون، آریانا ټلویزیوني څانګه او د دغه لیګ مالي ملاتړکوونکی ویکټور انرژي د یاد پړاو سیالیو د مهالوېش لپاره د پچېاچونې مراسمو کوربه ول، چې له غرمې وروسته له آریانا ټلویزیون څخه پر ژوندۍ بڼه وړاندې شول.
دغه مراسم د آریانا تلویزیون په سټوډیو کې جوړ شوي وه او پچهاچونه یې د افغانستان د بدني روزنې او سپورټ د عمومي رییس احمدالله وثیق لهخوا ترسره شوه.
په دې مراسمو کې د افغانستان فوټبال فډراسیون رییس محمد یوسف کارګر، د افغانستان فوټبال فډراسیون او د بدني روزنې او سپورټ څانګې تخنیکي او مسلکي مرستیال حافظ احمد جان ځدراڼ، د افغانستان فوټبال فډراسیون تخنیکي رییس محمد طاهر رووفي، د آریانا ټلویزیو د سوداګریزې برخې مشر لطف الله ستانکزي، د ویکتور انرژی مدیر غلام رباني عباس، د پامیر ګروپ د شرکتونو د عامه اړیکو مسوول میراحمد بهره او د کلبونو استازو ګډون کړی و.
دولس لوبډلې په دې زړهراکښونکیو سپورتي سیالیو کې برخه اخلي، چې د شنبې پر ورځ (د غویی لومړۍ) پیل کیږي او د غبرګولي تر درېیمې به روانې وي.
د افغانستان اتلانو لیګ درېیم پړاو د افغانستان فوټبال فډراسیون په لوبغالي کې ترسره کیږي او په لومړۍ لوبه کې به فوټبال لوبډله ابو مسلم فراه له سرسبز یاشلر سره مخ شي.
په ټول هېواد کې د فوټبال مینهوال کولی شي د آریانا او آریانا نیو ټلویزیونونو له لارې د سیالیو تازه خبرونه او معلومات ترلاسه کړي.
آریانا نیوز او آریانا ټلویزیونونه د سیالیو پر مهال او له سیالیو مخکې تازه موضوعات خپروي.
لومړۍ لوبه به د شنبې پر ورځ ماسپښین ۲ بجې پیل او له آریانا ټلویزیون څخه به پر ژوندۍ بڼه خپره شي.
د دې ورځې دوهیمه لوبه مازیګر څلور بجې پیلیږي او سرخپوشان خوافي به له خراسان فاریاب سره مخ شي.
دغه سیالۍ به ۳۳ ورځې په ۶۶ لوبو کې ترسره شي.
ټاکل شوې، چې په دې ټورنمنټ او سیالیو کې به ۱۲ غوره لوبډلې ( سرسبز یاشلر فاریاب، واحدي کندوز، اټک انرژی هرات، سرخ پوشان هرات، عصمت لغماني، ابو مسلم فراه، استقلال کابل، خدیم افسي سرپل، خراسان، عینو مېنه کندهار، عدالت فراه لفسي او موج سااحل لوبډلو ترمنځ ترسره کیږي.
لوبی
د افغانستان اتلانو لیګ د پچهاچونې مراسم سبا له آریانا ټلویزیون څخه پر ژوندۍ بڼه خپریږي
![](https://www.ariananews.af/wp-content/uploads/2024/04/ACL-1.jpg)
په داسې حال کې، چې د افغانستان اتلانو لیګ درېیم پړاو پیل ته څو ورځې پاتې دي؛ د هېواد فوټبال فډراسیون به د دغو سیالیو د پچهاچونې مراسم سبا (دوشنبه د وري اووهویشتمه) په کابل کې تر سره کړي او د آریانا نړیوال ټلویزیون یې پر ژوندۍ بڼه خپروي.
پچهچونه به د کابل پر وخت مازیګر ۴ بجې پیل شي او له آریانا او آریانا نیوز ټلویزیونونو څخه په ژوندۍ بڼه خپریږي.
دغه راز دا پچهاچونه د آریانا سپورټ په فیسبوک پاڼه او یوټیوب چینل کې هم پر ژوندۍ بڼه خپریږي.
تېره اوونۍ د آریانا نړیوالې ټلویزیوني شبکې اعلان وکړ، چې دوی به د افغانستان اتلانو لیګ درېیم پړاو پر ژوندۍ، قانوني او ځانګړې بڼه تولید او خپور کړي.
د دغو سیالیو د دوه اړخیز او درې اړخیز تړون د لاسلیک مراسم د یکشنبې پر ورځ ( د وري نولسمه ) د آریانا ټلویزیون، فوټبال فډراسیون او ویکټور انرژي ترمنځ ترسره شول.
دا سیالۍ به د افغانستان فوټبال فډراسیون د کابل په پېنځه زره کسیز لوبغالي کې ۳۳ ورځې په ۶۶ لوبو کې ترسره شي.
ټاکل شوې، چې په دې ټورنمنټ او سیالیو کې به ۱۲ غوره لوبډلې ( سرسبز یاشلر فاریاب، واحدي کندوز، اټک انرژی هرات، سرخ پوشان هرات، عصمت لغماني، ابو مسلم فراه، استقلال کابل، خدیم افسي سرپل، خراسان، عینو مېنه کندهار، عدالت فراه لفسي او موج سااحل لوبډلو ترمنځ ترسره کیږي.
د سیالۍ د خپرېدو جزئیات:
په ټول هېواد کې د فوټبال مینهوال کولی شي د راتلونکیو سیالیو په اړه د خبرونو او تازه معلوماتو لپاره د آریانا نیوز ویب پاڼه تعقیب کړي؛ ځکه، چې آریانا نیوز او آریانا ټلویزیونونه له سیالیو مخکې او د سیالیو په بهیر کې له خپلو پاڼو وروستي معلومات خپروي.
د افغانستان اتلانو لیګ د سیالیو د پایلوبې د لیدو لپاره لاندې لینکونه کتلای شئ:
د آریانا سپورټ فیسبوک:
https://www.facebook.com/ATNSports/
د آریانا سپورټ یوټیوب:
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه3 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ1 day ago
امريکا او متحدین یې پر ايران د نورو بنديزونو لګولو هڅې کوي