عاجل خبرونه

د روسيې لومړى وزير پوتين په دوه ورځيني سفر چين ته رسيدلى

(Last Updated On: اکتوبر 12, 2011)

چين ته  د روسيې د لومړي وزيرولاديمير پوتين سفر په داسې حال كې تر سره كېږي، چې شاوخوا لس ورځې وړاندې چين او روسيې د ملگرو ملتونو د امنيت شورا د دوه دايمې غړيو په توگه د سوريې په  وړاندې د لويديځ پرېكړه ليك رد كړه.

په پام كې ده، چې د روسيې لومړې وزير به په دغه دوه ورځينې سفر كې د چين له ولسمشر هوجين تاوو، د دغه هېواد د لومړي وزير وين جيا باوو او د چين د كنگرې له رييس وو بانگ گوا سره وگوري.

همدا راز پوتين به د دواړو هېوادونو د لومړيو وزيرانو په شپاړسمه غونډه كې هم گډون وكړي.

د روسيې د لومړي وزيرمرستيال، چې له نوموړي سره چين ته تللى له خپل چيني سيال سره وگوري او د دواړو هېوادونو د همكاريو پر پراخيتا به خبرې اترې وكړي.

دا په داسې حال كې ده، چې د چين او روسيې د لومړيو وزيرانو لومړۍ ناسته په ۱۹۹۶ع كال كې تر سره شوې وه .

About ATN News

Check Also

هڅه کوو، چې طالبان له افغان حکومت سره د سولې خبرو ته قانع شي- خان

(Last Updated On: جنوري 8, 2019) د پاکستان لومړي وزیرعمران خان ژمنه کړې، چې له …

ځواب دلته پرېږدئ

ستاسو برېښناليک به نه خپريږي.