عاجل خبرونه

د خوست میخانیکی انستیتیوت زدکوونکي امنیتي دروازه جوړه کړه

(Last Updated On: October 18, 2015 3:32 pm)

khost 2 khost

د خوست میخانیکی انستیتیوت د برق برخې زدکوونکى فیض الله داسې دروازه جوړه کړي، چې د چاودنې او مرمۍ له غږ سره په اتوماتیکه توگه بنديږي.

فيض الله وایي، دا دروازه د ودانيو ، دفترونو، بانکونو او نور ځانگړیو ځايونو د امنيتي خونديتوب له پاره جوړه شوې ده.

نوموړى زیاتوي، دا دروازه د چاودنې او مرمۍ له غږ سره پخپله بنديږي.

د نوموړي په وینا؛ اوسنۍ دروازه د لرگي ده؛ خو که امکانات مې تر لاسه شي، ياده دروازه به مرمۍ ضد وي او کیدی شي، چې ډېرو دفترونو ته دغه ډول امنيتي دروازې جوړې کړم.

د خوست ميخانيکي انستيتيوت آمر محمد دستگير وايي، په يو شمېر نورو برخو کې هم داسې زدکوونکي لرو، چې د یاد وړ وړتياوې لري.

د خوست ميخانيکي انستيتيوت په ٦ بېلابېلو رشتو کې محصلين لري. د ياد انستيتيوت مسوولين وايي، د عملي کار له پاره وړ تخنيکي توکي نه لرو او که په دې برخه کې يې ستوونزې حل شي؛ نو محصلين به يې ډېر نوي څه جوړ کړي.

خبریال: فريدالله ظاهر.

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …