عاجل خبرونه

د حامد کرزي او نورو پخوانیو دولتي چارواکو شتمني ناقصه راجستر شوې-سیګر

(Last Updated On: سپتمبر 23, 2016)

vlcsnap-2016-09-23-16h33m13s167

د افغانستان په بیارغاونه کې د امریکا پر مرستو د څار ځانګړې اداره سیګر وایي، چې د پخواني افغان ولسمشر حامد کرزي او نورو پخوانیو دولتي چارواکو شتمني په ناقص ډول راجستر شوې او د فساد پر وړاندې د مبارزې عالې اداره په دې برخه کې په ناغیړۍ تورنوي.

سیګر دا ځل پخواني ولسمشر حامد کرزي او د هغه دوه یم مرستیال ته د نیوکې ګوته نیسی.

سیګر  په خپل تازه راپور کې وایي، چې د فساد پر وړاندې د مبارزې عالي اداره چارو کې پاتې راغلې او د پخواني ولسمشر حامد کرزي او پخوانیو دولتي چارواکو شتمني یې  سمه نه ده ارزولې.

د پخواني ولسمشر حامد کرزي، دوه یم مرستیال کریمخلیلي او د حامد کرزي د حکومت چارواکو له فساد سره د مبارزې عالي ادارې ته د شتمنیو په ثبت کې نیمګړي معلومات ورکړي او هغه سرچینې یې نه دي په ګوته کړي، چې دوی ترې دغه شتمني تر لاسه کړې ده.

حامد کرزي د خپلې شتمنۍ څو مورده ثبت کړي او مخکې یې ټینګار کړی، چې د پټېدو په کې څه نشته.

د حامد کرزي په وینا؛ په یوه الماني بانک کې یو څه پیسې لري، چې سپمولي یې دي؛ خو د بانکي حساب او سرچینې په اړه یې څه نه دي ویلي.

د کرزي په لیست کې ځینې ګاڼې هم شتون لري، چې د پلور نېټه او ارزښت یې نه دی معلوم او پولي سرچینه یې هم نه ده یاد شوې.

دغه راز د کریم خلیلي د شتمنیو په اړه هم ویل شوي دي.

 ښاغلي خلیلي د خپلې شتمنۍ د تثبیت په فورمه کې ویلي وه، چې پیسې، موتر، شخصي تشبث، قرضداري او یا بل څه نه لري، چې راپور یې ورکړي.

د خلیلي ثبت شوې شتمني یوه حویلۍ او څلور نمرې ځمکه ده، چې د ارزښت په اړهه یې هیڅ معلومات نه دي ورکړ شوي.

 په داسې حال کې، چې امریکایي چارواکي په ځلونو فساد د طالبانو پر ضد د مبارزې د لارې لوی خنډ بولي؛ خو د سیګر په راپور کې هغه ننګونې په ګوته شوي، چې له فساد سره د مبارزې په برخه کې حکومت ور سره مخ دی.

له فساد سره د مبارزې د عالي ادارې ویاند عبدالقهارفرخسیرپه ډاګه کړې، چې، دې ادارې د چارواکو شتمني ثبت کړې ده؛ خو دا نشي تائیدولی، چې دا رښتیا دي او کنه.

هغه زیاتوي، په دې اړه څېړنې شته او مونږ د خلکو اندونو ته په تمه یو. که داسې نه وي د هغو د اندونو له مخې به په کې بدلون راوستل شي.

ځینې څیړونکي د کرزي په دوره کې د فساد عمده موارد داسې بیانوي.

د روڼتیا څیړونکی محمدناصرتیموري وایي، د تدقیق موخه شتمني ده؛ د شتمنۍ له تدقیق پرته ثبت بې معنا دی.        

تر اوسه حامد کرزي او هغو کسانو په دې تړاو غبرګون نه دی ښودلی، چې سیګر یې یادونه کړې ده.

د ملي وحدت حکومت مشران هم فساد هغه پدیده بولي، چې په وینا یې له تېر حکومت ورته په میراث پاتې ده؛ خو دې ته په کتو، چې د نوي حکومت نږدې دوه کاله پوره شول اوس هم د افغانستان له تندي د فاسد نوم نه دی پاک شوی.

About Ariana News

Check Also

د اسلام د ستر پیغمبر میلاد په ارګ او د هېواد په نورو برخو کې ونمانځل شو

(Last Updated On: نوومبر 20, 2018) ولسمشر غني د میلاد النبي په مراسمو کې څرګنده …