عاجل خبرونه

د جوماتونو او محلي درسونو د بيا راژوندي كولو اړتيا څرگنده شوه

(Last Updated On: October 10, 2011)

د پوهنې وزارت مسوولين وايي:

د پوهنې وضعيت د ښه والي په برخه كې اغېزناكه او كم لگښته لاره په دې بهيركې د جوماتونو او ملا امامانو شاملول دي.

دا چارواكي وايي:

له هغو جوماتونو استفاده، چې ملا امامان نه لري كيداى شي يو ځل بيا له ښوونځي څخه د مخكې زده كړې دوره رامنځ ته كړو.

دې وزارت د ښوونځيو په تعليمي نصاب كې د بيا كتنې په موخه په كابل كې  دوه ورځينۍ وركشاپ جوړه كړ. په دې وركشاپ كې عالمانو، استادانو او ددغه وزارت د تاليف برخې كارمندانو برخه اخيستې ده.

په هېواد كې د پوهنې وضعيت د ښه والي په برخه كې له  ډېرو هڅو سره سره تراوسه هم په دې برخه كې زياتې ستونزې ليدل كيږي.

د مسلكي ښوونكيو نشتوالى، د تدريس لپاره د معياري ودانيو نشتوالى، له ښوونځيو څخه د درې نيم ميليون ماشومانو بې برخې كيدل او د ناامنيو له لامله د ۴۰۰ په شاوخوا كې د ښوونځيو بندوالى؛ د پوهنې په وړاندې جدي ننگونې دي.

تر دې ټولو مهم په نړيوالو معيارونو د نوي تعليمي نصاب جوړيدل او په ملي او محلي ژبو د كتابونو چاپول دي، چې تراوسه هم دا ستونزه پرځاى پرته ده.

د پوهنې وزارت تدريسي مرستيال صديق پتمن وايي:

ښوونيزنصاب تردولسم ټولگي چاپ شوى، خو په محلي ژبو د پارسي كتابونو چاپول ډېروخت ته اړتيا لري. اوس د پوهنې وزارت له ښوونځي څخه د مخكې دورې لپاره د نصاب په جوړولو كې نوى وړانديز كوي.

پتمن وايي، چې:

د جوماتونو او محلي درسونو بيا راژوندي كول د معياري نصاب جوړولو په پرتله لږ وخت او پانگې ته اړتيا لري.

د شمېرو له مخې په تېرو لس كلونو كې د پوهنې وزارت ۲۳۴۹عنوان كتابونه تربيا كتنې وروسته دوه سوه ميليون ټوكه چاپ كړي، چې ډېريې په بهر كې دي.

د پوهنې وزارت په تعليمي بهيركې د جوماتونو د شاملولو خبر په داسې حال كې وركوي، چې ملي امنيت څه موده مخكې د كابل او ولايتونو په جوماتونو كې د چاوديدونكيو توكو او ځانمرگو واسكټونو د نيولو خبر وركړى و.

About ATN News

Avatar

Check Also

د آسیا پراختیایي بانک له اقتصادي پروژو څخه د ملاتړ ډاډ څرګند کړ

(Last Updated On: July 19, 2019)د آسیا پراختیايي بانک مسوولینو ډاډ څرګند کړی، چې په …

Leave a Reply

Your email address will not be published.