د ترمپ په احتمالي کابینه کې زلمی خليلزاد بهرنيو چارو وزارت ته نوماند شوی

(Last Updated On: نوومبر 13, 2016)

_92417187_64034a37-3ece-44bb-9d1f-a583bdfccfcd

د امريکا مشهورې ورځپاڼې نيويارک تايمز د دونلدترمپ د احتمالي کابينې لست خپور کړ،چې په کېد امريکا بهرنيو چارو وزارت ته د زلمي خليلزاد په ګډون د پېنځه تنو نومونه راغلي دي.

د دغې ورځپاڼې په لست کې؛زلمی خليلزاد  د امريکا بهرنيو چارو وزارت ته؛ جان بولتن، باب کروکر، نيویت ګینګریچ او ستنلي مکریستل یې نور احتمالي نومانداندي.

زلمي خليلزاد په افغانستان، عراق او ملګرو ملتونو کې د امريکا د سفير په توګه دنده ترسره کړې او جمهوريپال ګوند ته يو له نژدې کسانو ګڼل کېږي.

د نيويارک تايمز په دغه لست کې ګڼ نومونه راغلي، چې په هغو کې د سپتمبر يوولسمې پر مهال د نيويارک ښاروال رودولف جولياني د دوه نورو کسانو تر څنګ د احتمالي لوی څارونوال په توګه ښودل شوی دی.

په دې لست کې دفاع وزارت ته د کیلي ايوت، مايکل فلين، ستیفن هدلي، جان کیل او جیف سيسزنز نومونه راغلي دي.

زلمی خليلزاد يو له هغو امريکايي سیاستوالو دی، چې په افغانستان کې د پاکستان پر رول ډېرې نيوکې کوي.

په تېر جولای کې خليلزاد له رسنیو سره په خبرو کې د پاکستان استخباراتي اداره ای ایس ای د حقاني شبکې او افغان طالبانو پر ملاتړ تورنه کړې وه او ويلي يې ول، چې اقتصادي او پوځي بنديزونه دې پرې ولګول شي.

نیويارک تايمز ورځپاڼې د ترمپ وروستيو ويناوو ته په نغوته کې دا هم په ډاګه کړې وه؛چې نوموړی په افغانستان کې د سرتېرو ساتنې تهليواله دی.

About Ariana News

Check Also

د کابل پوهنتون د لیلیې زدکوونکیو نښته کړې

(Last Updated On: نوومبر 15, 2018) د کابل پوهنتون دلیلې د محصلینو ترمنځ د پنجشنې …