عاجل خبرونه

د بلخ په چمتال کې ګازنللیکه ونښلول شوه

(Last Updated On: February 2, 2019)

د بلخ د امنیه قومندانۍ د امنیت آمر وایي د چمتال ولسوالۍ د بارګاه د اړوند سیمې په عملیاتو کې د کارخانې ګازنللیکه وروسته له ۱۵ ورځو بیا ونښلول شوه.

امنیتي چارواکي وايي؛ د بلخ په چمتال ولسوالۍ کې ولید ۳۴ عملیات روان ساتل شوي او د دې ولایت د کود و برق د کارخانې غاز نللیکه، چې د چمتال ولسوالۍ په بارګاه سیمه کې د جوزجان ـ بلخ پر لاره  ویجاړه شوې وه ونښلول شوه.

د بلخ د امنیه قومندانۍ د امنیت آمر عبدالرزاق قادري وايي؛ په هوایي عملیاتو کې شپږ وسلوال وژل شوي دي، خو ۲۰۹ شاهین قول اردو د تلفاتو شمېر لس تنه ښيي.

د بلخ امنییه قومندانۍ د امنیت آمر زیاتوي، د جوزجان ـ مزار  لار له وسلوالو مخالفانو پاکه شوې او د امنیتي قرارګاوو له جوړولو سره به په شولګر ، زارې او کشنده کې هم د طالبانو د فعالیت مخه ونیول شي.

 دغه راز د شولګرې ولسوال سراج الدین عابد د دغې ولسوالۍ په بېلابېلو سیمو کې د طالبانو پر فعالیت اندېښنه ښودلې او وايي؛ کله کله وسلوال طالبان له البرز غرونو، صدمیش، ګوسفندي او دره صوف له سیمو بریدونه کوي.

د بلخ د شولګرې ولسوال ټینګار کوي، چې د دغې ولسوالۍ د امنیت د ټینګښت په موخه امنیتي بنسټونه باید په زیانمنونکیو سیمو کې ځواکمنې قرارګاوې جوړې کړي.

ویل کیږي، چې په دې بریدونو کې امنیتي ځواکونو او عامو خلکو ته زیان ندی رسیدلی.

About Ariana News

Avatar

Check Also

په کابل کې ځانمرګي ۶۰ کسانو ته مرګ و ژوبله رامنځته کړې

(Last Updated On: September 17, 2019)کورنیو چارو وزارت په ډاګه کړې، چې نن له غرمې …