عاجل خبرونه

د بلخ ولایت په ۶ ولسوالیو کې سیلابونو مالي او ځاني زیانونه رامنځته کړي

(Last Updated On: مې 19, 2018)

 

د بلخ ولایت په ۶ ولسوالیو کې سیلابونو د ۹ کسانو ژوند اخیستی او بې شمېره مالي زیانونه یې اړولي دي.

د بلخ والي ویاند شجاع الدین شجاع ویلي، چې لومړنۍ څرګندونې ښیي، چې یوازې د خلم ولسوالۍ دوه کلي له منځه تلي او له ۵۰۰ ډېرې کورنۍ زیانمنې او د شولګرې ولسوالۍ د پیکاندرې کلي د استوګنې ۶۰ کورونه بشپړ ویجاړ شوي دي.  

دا په داسې حال کې ده، چې د خلم ولسوالۍ د اسمعیل خېلو کلي له زر ډېرې کورنې زیانمنې شوې دي.

دغه راز له طبیعي پېښو سره د مبارزې ریاست د څرګندونو له مخې؛ د خلم او شولګرې ولسوالیو ۳۳۷ د استوګنې کورونه او زرګونه جریب ځمکې اوبو وړي او ویجاړې شوې دي.

چارواکو ویلي، چې د مرستې رسونې ریاست زیانمنو کورنیو ته مرستې پیل کړي؛ خو د نورو مرستو د ورسیدو غوښتنه هم شوې ده.   

About Ariana News

Check Also

د امریکا د متحده ایالاتو ولسمشر دونالد ترمپ نیویارک ته رسیدلی

(Last Updated On: سپتمبر 24, 2018) ترمپ به د ملګرو ملتونو په عمومي غونډه کې …