د بلخ په پوهنې رياست كې له نويو ښوونكو ازموينه واخيستل شوه

(Last Updated On: March 4, 2013)

د بلخ ولايت پوهنې رياست د يكشنبې په ورځ(د كب ۱۳) د دغه ولايت ښوونځيو ته له ښوونكيو ازموينه واخيسته.

په دې ازموينه كې  د دولسمو او نيمه لوړو زده كړو له دوه زره  ډېرو فارغانو گډون كړى دى.

د بلخ د پوهنې رياست وايي:

دغه ازموينه مو د بلخ ولايت د ولسواليو ښوونځيو ته د مسلكي ښوونكيو د وړاندې كولو په موخه تر سره كړې ده. كه نور داوطلب فارغان هم وغواړي؛ نو دغو ښوونځيو ته به جذب شي.

د پوهنې رياست په وينا، ډېري فارغان غواړي په مزار شريف ښار كې دندې تر سره كړي؛ خو اوس په ښار كې ډېرو ښوونكيو ته اړتيا نلرو.

د بلخ ولايتي شورا او د ازموينې يو شمېر گډونوال د ازموينې بهير ناسم بولي او وايي:

تېر كال په بشپړ رڼښت د ازموينې بهير تر سره شوى و، خو سږ كال د بې نظمۍ او گډوډۍ ښكار شو.

د ازموينې د بهير څارونكى پلاوى وايي:

د ازموينې بهير بشپړ روڼ او څارل شوى دى، چې گډونوال له هيڅ راز ستونزو سره مخ شوي نه دي.

About Ariana News

Check Also

د قطر ناسته د ناسم مدیریت له کبله تر سره نشوه- عبدالله عبدالله

(Last Updated On: April 22, 2019)د هېواد اجرائیه مشر وايي، چې په قطر کې د …