عاجل خبرونه

د بغلان يوشمېر اوسيدونكي له برښنا بې برخې شول

(Last Updated On: مې 10, 2014)

4د پلخمري د نساجي برښنا د لومړي بند له ړنگيدو سره د بغلان يو شمېراوسيدونكي له برښنا بې برخې شول.
د دې بند چارواكي دا د سيمې د خلكو لپاره يو لوى ناورين بولي.
دوي وايي، وروستيو سيلابونو دا بند سخت زيانمن كړى؛ ځكه سواحل يي نه دي تحكيم شوي او د دې بند له څلورو دروازو يې دوه سيند ته لويدلي دي.
د دوى په وينا، ځينو كورنيو او بهرنيو بنسټونو د دې بند د بيا رغاونې لپاره د مرستو ټټر وهلى؛ خو تر اوسه په دې اړه عملي گامونه نه دي پورته شوي.
د پلخمري د برښنا د لومړي بند تخنيكي سلاكار انجینر اسلام الدین نوري، د دې بند د بشپړ ړنگيدو زيانونه زيات بولي او همكار بنسټونه په ناغيړي تورنوي.
د پلخمري د نساجي د بريښنا د لومړي بند آمر انجینر عبدالبشیر وزیری وايي، د دې بند د فعال ساتلو او خلكو ته له دې اړخه د تاوانونو د كمولو لپاره له وروستيو امكاناتو گټه اخلي؛ خو اړينه ده، چې دا بند په اساسي ډول ورغول شي.
د مسوولينو په وينا، د نساجي د برښنا بند درې اويا كاله مخكې په فعاليت پيل كړى او دا مهال يي يوه دروازه غير فعاله او بله دروازه يي سيند ته لويدلې ده.

About Ariana News

Check Also

د کابل په اورانوس هوتل کې چاودنې د میلاد نبي نمانځونکیو ته مرګ و ژوبله اړولې

(Last Updated On: نوومبر 20, 2018) کورنیو چارو وزارت ویلي، چې نن ماښام مهال د …