د بدخشان محلي چارواكي دغه ولایت ته د پوهنې وزارت له نه پاملرنې شكايت كوي

(Last Updated On: March 3, 2013)

د بدخشان محلي چارواكي وايي، په تېرو دوو كلونو كې په دغه ولايت كې د پوهنې وزارت له خوا حتى د يوه ښوونځي د جوړولو چارې هم نه دي پيل شوې.

د بدخشان والي شاه ولي الله اديب وايي:

د دغه ولايت د پوهنې رياست ظرفيت په دغه ولايت كې د شته ستونزو د حل ظرفيت نه لري.

نوموړی د پوهنې پر وزارت نيوكه كوي او زیاتوي، چې د دغه ولايت د پوهنې رياست كارکوونکي د بېلابېلو دلايلو له امله د دوى د وړتيا له په پام كې نيولو پرته ګومارل كېږي.

د پوهنې وزارت وياند امان الله ايمان د پوهنې په نظام كې ځينې ستونزې مني او وايي، په تېرو دوو كلونو كې په بدخشان ولايت كې د پوهنې وزارت ۳۲ زيربنايي پروژې بشپړې شوې دي.

نوموړی زیاتوی، چې په نيژدې راتلونكې كې به د دغه ولايت د پوهنې په رياست كې بنسټيز بدلون راولي.

د بدخشان محلي چارواكي وايي بدخشان د ۳۰۰ زرو زده كوونكو په درلودو تر كابل وروسته ډېر زده كوونكي لري.

دوى وايي، د مسلكي ښوونكو او معياري ودانيو نشتوالى د دغه ولايت د پوهنې په نظام كې عمده ستونزي دي.

About Ariana News

Avatar

Check Also

د آریانا نیوز په ستره مناظره کې د داکترغني او داکتر عبدالله مخامخ کیدل

(Last Updated On: September 16, 2019) ټاکل شوې، چې د آریانا نیوز په کوربتوب نن شپه( …