د انرژۍ او اوبو وزارت د آسياپراختيايي بانک د ۴۱۵ميليون ډالرو مرستې مننه وکړه

(Last Updated On: December 13, 2016)

vlcsnap-2016-12-13-18h18m26s58

د انرژۍ او اوبو وزارت له افغانستان سره د آسیا پراختیایي بانک د ۴۱۵میلیون ډالرو مرستې څخه هرکلی وکړ.

د دغه وزارت مسولین وایي چې ۲۴۰میلیون ډالر په بامیان کې د یوه توربین له پاره ځانګړي شوي او نورې پیسې به په هېواد کې د انرژۍ د تامین په لاره ولګول شي. په همدې حال کې اقتصادي کارپوهان وایي، حکومت به تر ډېره له تولیدي سرچینو څخه د برښنا پر تولید تمرکز وکړي.

د آسیا پراختیایي بانک څلور سوه پنځلس میلیون ډالر په افغانستان کې د انرژۍ د تامین له پاره لګوي. دغه پیسې د پلخمري د سب ستېشن له پاره چې د ترکمنستان برښنا له هېواد سره نښلوي، په بامیان کې د دوو سب ستېشنو او له تخار څخه بدخشان ته د برښنا د مزو پر انتقال ولګول شي. د انرژۍ او اوبو وزارت دغه پیسې د انرژۍ په برخه کې د هېواد د خودکفایي له پاره مهمې بولي.

د انرژۍ او اوبو وزارت مرستیال امان‌الله غالب وايي: “د پر ځان بسياينې د پلان له پاره دوه پروګرامه لرو، يو دا چې توليد لوړ کړو او بل دا چې د برېښنا لېږد د هر ولايت په مرکز کې له عمومي شبکې سره وتړو چې دا خپله د انرژي امنيت لوړوي او په هېواد کې اقتصاد ته وده ورکوي.”

که څه هم ډېرې پیسې د انرژۍ د تامین او د هېواد د په ځان بسياينې له پاره لګول شوې دي، خو کارپوهان وایي چې د اغېزمنې تګلارې نشتوالی د دې سبب شوی چې افغانستان ونه کړای شي،په انرژۍ کې په ځان بسيا شي.

اقتصادي شنونکی حسیب‌الله موحد وايي: “که دولت وکولای شي، منظم پلان ولري، د برېښنا په توليدي سرچينو تمرکز وکړي او په عوايدو يې وکړای شي نور فرعي سټېشنونه جوړ کړي چې دا کار بيا يوې منظمې ستراتيژۍ ته اړتيا لري.”

د شمېرو له مخې، تېرو کلونو کې د برښنا د تامین له پاره نږدې دوه میلیارد ډالر لګول شوي خو لا هم دغه هېواد اویا سلنه په وارداتي برېښنا تکیه لري.

About Ariana News

Check Also

په کابل ښار کې چاودنې د مولوي ریحان په ګډون له دوه کسانو ژوند واخیست

(Last Updated On: May 24, 2019) امنیتي چارواکي وایي، چې د روژې پر نولسمه ورځ …