عاجل خبرونه

د امریکا لسگونه اوسیدونکي د اسلامي دولت په پلوۍ په جنگ کې برخه لري

(Last Updated On: اګست 30, 2014)

چرا دختران سوری به ازدواج با داعش تن می‌دهند؟

د امریکا استخباراتو ویلي، چې د امریکا لسگونه اوسیدونکي سوریې ته رسیدلي، چې د اسلامي دولت په پلوۍ په جنگ کې برخه واخلي.

اسلامي دولت د څو میاشتو راپدیخوا د جگړې په ډگر کې دي او پراخې جغرافیايي سیمې یې نیولي هم دي.

اروپایي او امریکایي چارواکو څرگندهکړې، چې د اسلامي دولت اورپکي بهرنیان په جگړه کې د ځان گټه کاروي.

دغو چارواکو دا هم ویلي، چې همدا اوس د امریکا سل وگړي د اسلامي دولت په پلوۍ جنگ کوي.

دغه راز د امریکا استخباراتي سرچینو په داگه کړي، چي ولسمشر اوباما هم له امنیتي گواَونو سره مخ دی.

د امریک د استخباراتو خدمات، چې د ولسمشرۍ د امنیت ساتنه کوي وایي:

یو ناپېژاندی سړی له موټر سره امریکا ته داخل شوی، چې غواړي پر ولسمشر اوباما وسلوال برید تر سره کړي.

د امریکا امنیتي ځواکونو ویلي، چې د دغه برید د مخنیوي له پاره ځانگړي عملیات پیل شوي دي.

دا په داسې حال کې ده، چې د امریکا د بهرنیو چارو وزیر جان کري نیویورک تایمز ورځپاڼې ته لیکلي، چې:

له داعش سره د سیالۍ له پاره یوازې هوایي بریدونه کار نه ورکوي؛ له  دوی سره جگړې د امریکا په مشرۍ نړیوال ائتلاف اړین کړی دی. که د پرمختگ مخه یي ونه نیول شي؛ د داعش سرطان به نورو هېوادونو ته هم سرایت وکړي.

د یادونې وړ ده، چې اسلامي دولت ته نږدې ځینو سرچینو ادعا  کړې، چې د داعش اورپکي د ایران په شمال لویدیځ کې له ایراني ځواکونو سره په جگړه کې ښکېل شوي؛ خو خپلواکو سرچینو او ایراني ځواکونو په دې اړه تر دې دمه څه نه دي ویلي.

 

About Ariana News

Check Also

روسیه د جمعې پر ورځ د یوې نړیوالې ناستې کوربتوب کوي

(Last Updated On: نوومبر 4, 2018) د روسیې د بهرنیو چارو وزارت څرګنده کړې، چې …