د امریکا د برید ۱۵ کاله تېر شول، خو ثبات ټینګ شوی نه دی- حامد کرزی

(Last Updated On: اپریل 28, 2016)

vlcsnap-2016-04-28-11h30m39s122

حامد کرزي له آر تي تلویزیون سره په مرکه کې ویلي، چې امریکا باید په افغانستان کې د خپلو ناکامیو په اړه جزییات ورکړي.

دی د افغانستان بې ثباتي او ناامني د ناسمو او خرابو سیاستونو پایله بولي.

پخواني ولسمشرحامد کرزي په ډاګه کړې، چې نن د امریکا د برید پېنځلس کاله تیریږيٍ؛ خو نه یوازې دا، چې افغانستان امن نه دی، بلکې اوس هم کړیږي. همداسې پاکستان؛ لکه، چې د دفاع وزیر یې وویل، رنځیږي او دا د خرابو سیاستونو پایله ده. دا هغه پوښتنه ده، چې مونږ یې باید نن وپوښتو. دا، چې: ولې نړیواله ټولنه په ځانګړي توګه امریکا او متحدین یې، چې د افغانانو ملاتړ هم  ور سره و؛ بریالي نه شول، چې ترهګري له منځه یوسي او په سیمه کې بنسټ پالنې ته پای ورکړي؟ یوازې ځواب دا دی، چې د ترهګرۍ خلاف د مبارزې تګلاره سمه نه وه او داسې کار شوی، چې په کې د ترهګرو د پناه ځایونو او روزنځایونو نابودۍ ته لازمه پاملرنه نه ده شوې. هغوي سمو مسایلو ته په پاملرنه کې په سم مهال ناکام شول.

About Ariana News

Check Also

په ننګرهار کې ۲۴ داعش جنګیالي ملي امنیت ته تسلیم شوي

(Last Updated On: نوومبر 18, 2018) په ننګرهار کې د ۹ بهرنیانو په ګډون څلیریشت …