عاجل خبرونه

د امریکا دفاع وزیر په یو ناڅاپي سفر کابل ته راغلی

(Last Updated On: December 9, 2016)

kartar

د امریکا دفاع وزیر اشتون کارتر نن سهار په یو ناڅاپي سفر د بګرام هوایي ډګر کې راکښته شوی او بیا ارګ ته په سفر راغلی دی.

اشتون کارتر په دې سفر کې له ولسمشر محمد اشرف غني، اجرائیه رییس داکتر عبدالله عبدالله او د حکومت له نورو مشرانو سره لیدل کتل کړي دي.

کارتر او د افغانستان ولسمشر محمد اشرف غني نن له غرمې وروسته یوې ګډې خبري ناستې ته راڅرګند شول.

ولسمشر محمد اشرف غني له افغانستان سره د امریکا له مرستو مننه وکړه او دا یې هم وویل، چې امریکایي سرتېرو دلته د افغانستان د راتلونکي لپاره ځانونه ځار کړي دي.

اشتون کارتر وویل ؛ زه او اشرف غني له افغانستان سره د اوږد مهاله مرستو په هیله هوکړې ته رسیدلي یو.

د هغه په وینا؛ امریکا د اوږده مهال لپاره پر خپلو ژمنو ولاړه ده.

کارتر دا هم وویل، چې افغان ځواکونو وښوده ، چې طالبان نور په افغانستان کې واک ته رسیدلی نشي.

هغه تر ۲۰۲۰ کاله د خپلو مادي مرستو ډاډ څرګند کړ او په ډاګه یې کړه، چې امریکا به هر کال ۵ میلیارد دالر افغان حکومت ته ورکوي.

کارتر داهم وویل، چې خپلو سرتېرو ته د خواخوږۍ ډاډ اړ کړم، چې کابل ته راشم.  

کارتر په داسې حال کې کابل ته سفر کړی، چې د امریکا ولسمشر بارک اوباما د ۲۰۱۷ کال تر پایه د خپلو ۸۴۰۰ سرتېرو د پاتې کیدو غږ پورته کړی او کارتر هم دا نېټه تائید کړه.

د امریکا دا پرېکړې هغه مهال رامنځته شوه، چې د افغانستان په ماتیدونکيو حالاتو کې د وسلوالو طالبانو تر څنګ د داعش او نورو بهرنیو جنګیالو د وسلوال فعالیت هڅې راڅرګندې شوې.

د امریکا دفاع وزیر اشتون کارتر په داسې حال کې د افغانستان سفر کوي، چې د وارسا او بروکسل ناستې هم تر سره شوې او ناتو هم د خپلو همکاریو د غزولو ډاډ ورکړی دی. 

About Ariana News

Avatar

Check Also

په پکتیا کې د افغانستان د صنایعو خونې ولایتي څانګه پرانستل شوه

(Last Updated On: June 25, 2019)په پکتیا ولایت کې د افغانستان د صنایعو خونې اجرائیوي …