عاجل خبرونه

د افغانستان په ختیځ کې د القاعده شبکې دوه مهم مشران په نښه شوي

(Last Updated On: اکتوبر 27, 2016)

vlcsnap-2016-10-27-10h21m41s1

د امریکا دفاع وزارت وایي، چې د القاعده شبکې دوه مهم مشران د افغانستان په ختیځ کې په نښه شوي دي.

د امریکا دفاع وزارت یا پنتاګون په ډاګه کړې، چې فاروق قحطاني او د هغه مرستیال بلال عتیبي د کونړ په ولایت کې د بې پیلوته الوتکې په یوه برید کې له منځه تللي دي.

د امریکا دفاع وزارت ویاند پیترکوک وایي، چې د دغهبرید په اړه څېړنې روانې دي او د القاعده د دغو دوه غړیو وژل کیدل به دې ډلې ته لوی ګوزار وي.

د امریکا دفاع وزارت ویاند زیاتوي؛ قحطاني د افغانستان په شمل ختیځ کې د القاعده امیر و او دنده یې درلوده، چې په افغانستان کې د القاعده لپاره خوندي پناه ځای جوړ کړي.

دی څرګندوي؛ بلال عتیبي هم ورته ماموریت درلود او دغه راز یې خپلې ډلې ته د نویو افرادو د جلب او جذب هڅه کوله.

راپورونه وایي، چې د بې پیلوته الوتکې دغه برید د اکتوبر په ۲۴ د شپې یوه بجه د کونړ د غازي آباد ولسوالۍ د هیلګل په دره کې شوی.

په هغه مهال هم چارواکو او د سیمې اوسیدونکیو د دغه برید له کبله د ۱۵ وسلوالو د وژلو خبر ورکړی و او ویل شوي وه، چې په وژل شویو کسانو کې دوه عربان او پاکستانیان هم شته.

About Ariana News

Check Also

طالبان دې له افغان حکومت سره مخامخ خبرو ته حاضر شي- پمپیو

(Last Updated On: مارچ 19, 2019)د امریکا د بهرنیو چارو وزیر مایک پمپیو له طالبانو …