لوبی
د افغانستان رسنيو په فوټبال سيالۍ كې تمدن ټلويزيون لومړى مقام تر لاسه كړ
د روژې د مباركې مياشتې په وياړ د افغانستان رسنيو د فوټبال كپ پيل شوې سيالۍ د تمدن ټلويزيون په برياليتوب پاى ته ورسيدې.
په دې سياليو كې د افغانستان د رسنيو دولس لوبډلو برخه اخيستې وه او په خپلو كې يې سيالۍ ترسره كړې.
دغه سيالۍ نن د رسنيو او فوټبال فدراسيون د چارواكو په گډون د يو لړ ځانگړيو مراسمو په ترڅ كې پاى ته ورسيدې.
پدې ورځ د طلوع ټلويزيون او په افغانستان كې د امريكايي پوهنتون لوبډلې يو بل ته مخامخ شوې، چې په پايله كې امريكايي پوهنتون بريا ترلاسه او درېيم مقام يې خپل كړ.
د سياليو له وروستي پړاو مخكې د افغانستان د فوټبال د پخوانيو لوبغاړيو او اروپايي اتحاديې ترمنځ يوه دوستانه سيالي هم ترسره شوه او رسنيو پخواني لوبغاړي وستايل.
د افغانستان د رسنيو د دې لومړنيو سياليو په وروستي پړاو كې د آريانا ټلويزيون او تمدن لوبډلې د لوبې ډگر ته ووتې او د په زړه پورې سياليو په ترسه كولو دغه دوه لوبډلې په پرله پسې توگه درې پر درې سره مساوي شوې او لوبه د پيناټي پړاو ته ورسيده؛ خو په دې پړاو كې د تمدن ټلويويزيون لوبډله وتوانيده، چې اتلولي خپله كړي.
پدې سيالۍ كې لومړى گول د آريانا لخوا ناصر ترسره كړ؛ خو د تمدن لپاره حميد كريمي گول وواهه او لوبه يې يو پر يو برابره كړه.
تمدن دوه يم گول هم ترسره كړ؛ خو د آريانا لپاره آرش يزدان گولوهنه وكړه او لوبه يې بيا هم مساوي كړه.
درېيم گول هم تمدن ترسره كړ، چې آريانا هم وروسته پاتې نشوه او بيا يې درې پر درې سيالي مساوي ته ورسوله.
په پاى كې سيالي د پيناټي پړاو ته ووتله، چې تمدن مخكې شو او اتلولي يې خپله كړه.
په دې سياليو كې د افغانستان د فوټبال فډراسيون رييس كرام الدين كريم، د بيات بنياد مرستيال حاجي محمد اسماعيل، د تمدن ټلويزيون رييس جواد محسني، په افغانستان كې د اروپايي ټولنې سفير او استازي ویگاداس اوشاتکس په افغانستان كې د امريكايي پوهنتون موسس شريف فايض، د افغانستان د ورزشكارانو د ملي اتحاديې رييس سيد محمود ضيا دشتي او د افغانستان د تشويقي بنسټ رييس سكندر اصغري په حضور ترسره شوې .
د دې سياليو په پاى كې هغه ستاينليكونه او ډالۍ، چې د آريانا ټلويزيون او اروپايي ټولنې لخوا برابرې شوې وې، ووېشل شوې.
په دې سياليو كې د افغانستان د فوټبال فډراسيون رييس کرام الدین کریم ، ډاکټرشریف فایض، سید محمود ضیا دشتی، همایون کارگر، فرید مولایی، یاسین محمدی او د گډونكوونكيو لوبډلو څارونكيو پر لوبډلو ستاينليكونه او ډالۍ ووېشلې.
دغه راز له نور ټلويزيون څخه باز محمد د غوره گول ساتونكي، محمود آزاد د اخلاقو د غوره لوبغاړي او له نگاه ټلويزيون څخه بهزاد د دې سياليو د غوره لوبغاړي په توگه وپېژندل شول.
په دې سياليو كې، چې د آريانا ټلويزيون په نوښت او د اروپايي ټولنې او په افغانستان كې د امريكايي پوهنتون په همكارۍ جوړې شوې وې،تمدن ټلويزيون لوبډلې لومړى، آريانا ټلويزون لوبډلې دوه يم او د افغانستان امريكايي پوهنتون درېيم مقامونه وگټل.
لوبی
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
د دوشنبې پر ورځ په کابل کې د افغانستان اتلانو لیګ په پېنځمه لوبه کې د موج ساحل لوبغاړي شاه نصیر نوري جوانان واحدي لوبډلې ته د ډګر له نیمایي څخه پخپل زړهراکښونکې ګول یو د صفر پر توپیر بریا خپله کړه.
د دغو سیالیو په شپږمه لوبه کې، چې پر همدې ورځ ترسره شوه؛ میوند لوبډلې عد الت فراه ته ۲ پر ۱ماتې ورکړه.
د لوبې لومړی ګول د عدالت فراه له لوري عبدالعلي واحدي په شپږدېرشمه دقیقه کې ترسره کړ؛ خو د میوند لوبډلې رحیم الله د لوبې د لومړۍ نیمايي له پای ته رسېدو لږ مخکې لوبه مساوي کړه.
عبدالرحمن محمدي د لوبې په دوهیمه نیمایي کې ګټونکی ګول ترسره کړ او لوبډلې ته یې د ډګر بریا ورپر برخه کړه.
نن سې شنبه ( د غویي څلورمه ) غرمه مهال یوه بجه به ابو مسلم فراه له خراسان فاریاب سره او له غرمې وروسته درې نیمې بجې به سرسبز یاشلر د عینو مېنې پر وړاندې لوبه وکړي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
عینو مېنې، استقلال کابل او اټکانرژي فوټبال لوبډلې، خدیم افسي مات کړل
د افغانستان اتلانو لیګ د فوټبال سیالیو په درېیمه لوبه کې عینو مېنې د یکشنبې پر ورځ په کابل کې د استقلال کابل لوبډلې ته ۳ـ۰ ماتې ورکړه او په څلورمه لوبه کې بیا اټک انرژي پر همدې پایلې خدیم افسي ته ماتې ورکړه.
د عینو مېنې لوبډلې درې ګولونه؛ دوه ګوله نبي مقدس او یو هغه حمید نورزي وواهل. د اټک انرژی لپاره علي رضا پناهي، بهنام او محبوب حنفي ګولونه ووهل.
د افغانستان اتلانو لیګ درېیم پړاو د شنبې پر ورځ پیل شو، چې په پیلیزه لوبه کې ابو مسلم لوبډلې سرسبز یاشلر لوبډلې ته ۲ د صفر پر توپیر ماتې ورکړه.
په دوهیمه لوبه کې سورخپوشان خوافي، خرآسان لوبډلې ته ۱ـ ۰ ماتې ورکړه.
ټاکل شوې نن (دوشنبه د وري درېیمه / د اپریل دوهویشتمه) دوه لوبې ترسره شي.
لومړۍ لوبه به د جوانانواحدي او موجساحل ترمنځ غرمه مهال پر ۱:۰۰ پیل شي.
دوهیمه هغه به له غرمې وروسته ۳:۳۰ د عدالت فراه او میوند ترمنځ شي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
د افغانستان فوټسال ملي لوبډلې له ایران ماتې وخوړه
د افغانستان فوټسال ملي لوبډلې نن (پنجشنبه د وري دېرشمه) د آسیا ملتونو جام د سیالیو په لومړۍ لوبه کې د ایران پر وړاندې ۱ پر ۳ ماتې وخوړه.
د افغانستان او ایران فوټسال ملي لوډلو ترمنځ دا لوبه د تایلینډ په بنکاک ښار کې د دغو سیالیو په ډي ګروپ کې ترسره شوه.
د افغانستان لپاره یوازنی ګول مهران غلامي تر سره کړ.
د هېواد فوټسال ملي لوبغاړي به د راتلونکې شنبې پر ورځ د دې سیالیو په دوهیمه لوبه کې د کویټ له لوبغاړو سره مخ شي.
د افغانستان د آسیا ملتونو په فوټسال جام کې له ایران، بحرین او کویټ سره د یوه ګروپ ډلې دي.
د يادونې ده، چې د آسيا ملتونو فوټسال جام د ټایلیند پر کوربتوب نړیوال جام ته د لار موندنې لپاره د نړۍ د ۱۶ هېوادونو ترمنځ د ترسره کېدو په حال کې دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ1 day ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري