عاجل خبرونه

د افغانستان د بنسټیزې پراختیا د موخو پلي کولو بهیر و ارزول شو

(Last Updated On: سپتمبر 5, 2016)

economy-300x200

د آسیایي هېوادونو په چارو کې د ملګرو ملتونو د پراختیايي ادارې رییس وایي؛ بېولو هېوادونو ته د بنسټیزو پراختیایي برنامو پلي کول  ډېر اړین دي، ځکه، چې د بېوزلۍ نړیواله کچه راټیټوي.

د افغانستان د اقتصاد وزیر او د آسیایي هېوادونو په چارو کې د ملګرو ملتونو د پراختیايي ادارې رییس د یوې ناستې په بهیر کې  د بنسټیزو پراختیایي برنامو پلي کول د هېواد د ودې او پراختیا لپاره ډېر اړین وګاڼه.

د اقتصاد وزیر عبدالستار مراد وایي، د بروکسل له ناستې وروسته به په بېلابېلو کچو په هېواد کې د پراختیایي موخو پر پلي کولو کار پیل شي.  

هغه زیاتوي؛ د ظرفیتونو نشتون، کمزورې همغږي او مالي وړتیاوې هغه څه دي، چې زموږ پرمختګ یې له ځنډ و خنډ سره مخ کړی دی.

ښاغلی مراد زیاتوي، موږ پوهیږو، چې څنګه د ستونزو مخه ونیسو او خپلو موخو ته ورسیږو.   

د آسیایي هېوادونو په چارو کې د ملګرو ملتونو د پراختیايي ادارې رییس ټینګار کوي، چې د دغو برنامو پر پلي کیدو به په نړیواله بېوزلۍ کې هم کمی راشي.

د آسیایي هېوادونو په چارو کې د ملګرو ملتونو د پراختیايي ادارې رییس هولیګ شو وایي، د تلپاتې پراختیا موخې بېوزلو هېوادونو ته ډېرې اړینې دي؛ ځکه، چې دا نړیواله غوښتنه ده او د هېوادونو د پراختیا ټولې خواووې په پام کې نیول کیږي. د دې برنامې موخه د بېوزلۍ کچه راټیټول، ټولنیزه وده او پرمختګ دی.

د بنسټیزې پراختیا موخې له ۲۰۱۵ کال څخه تر ۲۰۳۰ پورې د بشري ټولنو اقتصادي او ټولنیزې پراختیا لپاره رامنځته شوي، چې د ملګرو ملتونو د غوره پراختیایي برنامو په سر کې ځای لري.

دغه نړیوال پروګرام ۱۷ موخې، ۱۶۹ ټاکنې او ۲۱۷ شاخصونه لري، چې ټول سکتورونه رانغاړي.  

About Ariana News

Check Also

ولسمشر په پروان ولایت کې د دوه پروژو پرانسته وکړه

(Last Updated On: اکتوبر 15, 2018) د هېواد ولسمشر اشرف غني د دوشنبې پر ورځ …