عاجل خبرونه

د افغانستان او پاکستان اړیکې په بیساري ډول ښې شوي

(Last Updated On: July 26, 2015)

139311071002145574609414

په داسې حال کې چې د پاکستاني چارواکو په همغږۍ د افغان دولت او وسلوالو طالبانو ترمنځ د دویم پړاو خبرو لپاره تیاري نیول کیږي، پاکستاني چارواکي وايي چې د افغانستان او پاکستان اړیکې په بیساري ډول ښې شوي دي.

یوه جګپوړي پاکستاني چارواکي امریکا ته د سفر په ترڅ کې ویلي چې د کابل او اسلام آباد تر منځ د اړیکو ټینګښت او په دغو اړیکو نږدېوالی به د سخت دریځو او اورپکو د له منځه وړلو لامل شي.

د پاکستان د لومړي وزیر ځانګړي دستیار طارق فاطمي:

د افغانستان او پاکستان تر منځ استخباراتي تړون د جګړه مارو د له منځه وړلو لپاره ډير مهم دی. د همدغه تړون له مخې به د معلوماتو شریکول د دې لامل شي چې ترهګر له منځه یوسو.

د کابل او اسلام اباد استخباراتي تړون په افغانستان کې بیلا بیل او تند غبرګونونه را وپارول.

ښاغلي فاطمي زیاته کړې، په داسې حال کې چې له افغانستان څخه امریکايي سرتیري وځي، نو په کار ده چې د افغانستان او پاکستان اړیکې سره نږدې وي.

په تیرو شپږو میاشتو کې چې د افغان او پاکستاني چارواکو تر منځ کومې خبرې شوي، د تیرو شپږو کلونو د خبرو په پرتله ډيرې ګټورې دي.

د ښاغلي فاطمي په بارو د افغان او پاکستاني چارواکو تر منځ خبرې دوام لري، خو په وینا يې چې غواړي دغه بهیر په یوه پروسه بدل کړي.

About Ariana News

Check Also

په مشورتي لویه جرګه کې د طالبانو پر غوښتنو هم مشورې کیږي

(Last Updated On: April 19, 2019)د سولې مشورتي جرګې د چمتووالي کمیسیون وایي، چې د …