د افغانانو د حج ترسره كولو لگښت ۳۱۰۰ امريكايي ډالرو ته لوړشوى

(Last Updated On: اګست 11, 2011)

د افغا نستان د حج او اوقافو وزارت وايي، چې:

په ټول هېواد كې يې د حج پروسې ته د داوطلبو كسانو د  شاميلولو د پچې اچونې مراسم پيل كړي دي.

د دغه وزارت چارواكي وايي، چې:

د ۱۳۹۰ل كال لپاره په يوه داسې كړنلاره كاركوي، چې د افغان حاجيانو ستونزې د تېرپه پرتله   اتيا سلنه حل شي.

سږ كال به ۳۰ زره افغانان د حج په مراسمو كې گډون وكړي.

د آريانا راډيو- ټلويزيون خبريال محمد ابراهيم امرخېل رپوټ ور كړى، چې:

د چارشنبي په ورځ د افغا نستا ن په ۳۴ ولايتونو كې د حج پروسې ته د داوطلبانو د گډون په موخه د  پچې اچونې مراسم په رسمي ډول  پيل شول.

د كا بل ولايت د حج  او اوقافو رييس حفيظ الله سلا م وايي، چې:

د حج او اوقافو وزارت هركال د زيارت كوونكيو د ټاكلو په موخه د پچې اچونې پروگرام تطبيقوي؛ ځكه هغه وايي:

داوطلبان خورا ډېر دي، خو د افغانستان لپاره وركړشوې ونډه لږ ده.

نو موړى وايي، چې:

دوى هڅه كوي هغه ستونزې تردېره  حل كړي، چې  افغان  حا جيان تېر مهال په سعودي عربستان كي ورسره مخامخ وو .

د كا بل ولايت د حج او او قافو رييس حفيظ الله سلا م وايي:

يو شمېرهغه كسان، چې د پچې اچونې پروگرام له لارې يې نومونه انتخابيږي د دې پروسې په روڼتيا ټينگاركوي.

د حج او اوقافو وزارت چارواكي وايي، چې:

هرهغه څوك، چي د حج د فريضي لپاره سعودي عربستان ته ځي بايد  ۳۱۰۰ امريكايي ډالره دغه وزارت ته تسليم كړي.

د دغه وزارت د معلوماتو له مخې  په روان كال  كي به له افغا نستان څخه  ۳۰ زره حاجيان د حج په فريضه كې گډون وكړي.

د حج او  او قافو وزارت په داسي حال كي د حاجيانو د ستونزو د حل خبرې كوي، چي هركال افغان حاجيان په سعودي عر بستان كي د نورو هېوادونو د حاجيانو په پرتله له گڼو ستونزو سره مخ كيږي .

About ATN NEWS

Check Also

افغان کرکت ملي لوبډله له هند سره لوبه تر سره کوي

(Last Updated On: سپتمبر 25, 2018) نن مازیګر ۴ بجې په دوبۍ لوبغالي کې د …

ځواب دلته پرېږدئ

ستاسو برېښناليک به نه خپريږي.