د اداري اصلاحاتو كميسيون له څو وزارتونو سره كاري هوكړه ليك لاسليك كړ

(Last Updated On: فبروري 4, 2014)

په يو شمېر وزارتونو كې د اداري چارو د پېچلتيا د مخنيوي او د چارو د آسانتيا په موخه د اداري اصلاحاتو كميسيون له څو وزارتونو سره هوكړه ليك لاسليك كړ.

د عامې روغتيا، مخابراتو او معلوماتي تكنالوژۍ او كار او ټولنيزو چارو وزارت د سمون په دغه پروگرام كې شامل دي.

په دولتي ادارو كې د چارو پېچلتيا او د يوه معمولي كار د سرته رسولو لپاره اوږد پړاو وهل هغه ستونزه ده، چې اوس هم پخپل ځاى پاتې ده.

د ملكي خدمتونو د عالي ادارې رييس احمد مسعود توخي وايي:

هڅه كيږي، چې په دولتي ادارو كې د چارو د سمون او آسانيتا زمينه برابره شي.

د عامې روغيتا وزارت اداري مرستيال بصير سرور مني، چې په ادارو كې چارې ډېرې پېچلې دي.

د مخابراتو او معلوماتي تكنالوژۍ وزارت مرستيال وهاب الدين سادات وايي، چې:

د چارو د سمون او ساده كولو لپاره غښتلې ارادې ته اړتيا ده.

د اداري اصلاحاتو كميسيون وايي، چې په دولتي ادارو كې څلورشپېته داسې موارد دي، چې د چارو د پېچليتا لامل گرزيدلي او بايد اصلاح شي.

About Ariana News

Check Also

د آریانا نیوز د ۱۳۹۷ کال د غوئی ۷مه

(Last Updated On: اپریل 28, 2018)