درندو وسلو ته نه لاسرسی د سیمو د سقوط علت ګڼل کیږي

(Last Updated On: اګست 17, 2017)

په غزني ولایت کې چارواکي وایي، که حکومت سیمه ییزو پولیسو ته درندې وسلې ورکړي، هیڅکله به طالبان پرې بریالي نه شي.

د ده یک ولسوالۍ کلي ناامنه دي؛ په دې سیمو کې د جګړو اور بل دی، د ډزو غږونه اوریدل کیږي، چې یوه ویرونکې سیمه ترې جوړه شوې ده او سیمه ییز پولیس د وسلوالو یاغیانو په وړاندې لومړنی سپر دی؛ خو دغه ځواکونه لکه نور ځواکونه ډېر مجهز نه دي.

د رامک کلي د سیمه ییزو پولیسو قومندان بخت محمد وایي، زمونږ ستونزه درندې وسلې دی. که سمه وسله راکړ شي؛ طالبان به پرینږدو، چې خلک ونیسي او وځوروي.              

ملي او سیمه ییز پولیس د کلیو د امنیت تامین لپاره مهم ځواک ګڼل کیږي؛ نو له همدې کبله له هرې وسیلې استفاده کوي، چې وسلوال وځپي.

دوی د طالبانو په څېر ګزمو کې هغه وسایل کاروي، چې طالبان ترې کار اخلي؛ طالبان لږ لیرې په سلیمان زو او بالایي سیمو کې پاخه او دایمي سنګرونه لري.

د ده یک ولسوالۍ امنیه قومندان فیض محمد توفان له څو کلونو راهیسې د ده یک ولسوالۍ امنیه قومندان دی، د هغه په باور که سیمه ییز پولیس پر درندو وسلو سمبال شي، طالبان به ونه توانیږي، چې سیمې لاندې کړي.

د نوموړي په وینا؛ ملي او سیمه ییز پولیس ګډ دي؛ څومره، چې تبلیغ کیږي هومره طالبان ځواکمن نه دي.

طالبانو په یرغلیزو بریدونو هڅه وکړه، چې ده یک ولسوالي  ونیسي او په استخباراتي رپوتونو کې هم ویل شوي، چې دغه ډ‌ول هڅې به بیا وشي.

خبریالان: احمد فرشاد صالح او راز محمد راوش

About Ariana News

Check Also

د امریکا د متحده ایالاتو ولسمشر دونالد ترمپ نیویارک ته رسیدلی

(Last Updated On: سپتمبر 24, 2018) ترمپ به د ملګرو ملتونو په عمومي غونډه کې …