تازه خبرونه
داکتر عبدالله د دوستم او خلیلي په ملاتړ ټاکنیزې هڅې پیل کړې
د ثبات او همپالنې د ډلې مشر عبدالله عبدالله ولسمشریزو ټاکنو ته ځان نوماند کړ او د دغو ټاکنو ګټلو ته یې هیله مندي ښکاره کړه.
هغه ویلي، چې ولسمشریزو ټاکنو ته د جمعیت اسلامي له اړخه دریدلی دی
دغې ټاکنیزې دلې د خپلو ملاتړیو( خنرال دوستم او کریم خلیلي) په مرسته او همکارۍ د یکشنبې پر ورځ( د مرغوني ۳۰) ولسمشریزو ټاکنو ته له نوملیکنې مخکې په یوه ناسته کې څرګند شول.
د دغې ناستې په بهیر کې د سولې عالي شورا رییس کریم خلیلي څرګنده کړه، چې له اوسني روان بحران څخه د هېواد ژورلو لپاره به ګډ کار وکړي.
هغه زیاتوي، اوسني شرایط ( ډېر حساس او نازک) دي او د نوماندانو شعارونه باید دا هېواد نور بحران له بحرانه وژغوري.
عنایت الله بابر فرهمند یې لومړی مرستیال شو او اسدالله سعادتي یې د ولسمشریزو ټاکنو دوه یم مرستیال دی.
عبدالله عبدالله د خپل ټاکنیز تیم(ثبات او همپالبنې) د اعلام تر څنګ څرګنده کړې، چې زمونږ ټاکنیز تیم دوه د ولسمشریزو ټاکنو او دوه د اجرائیه ریاست مرستیالان لري.
هغه وایي، چې په افغانستان کې قومي تنوع باید زمونږ د ځواک نښه وي؛ نه په مونږ کې د نفاق سرچینه.
له نوماندۍ او نوملیکنې مخکې عبدالله عبدالله ویلي وه، چې موقت حکومت د خلکو په خیر ندی او له لاسته راوړنو باید سترګې پټې نشي.
عبدالله عبدالله د ۲۰۱۴ په ولسمشریزو ټاکنو کې د اشرف غني سیال و ، چې په پایله کې یې دواړه د ملي وحدت حکومت په جوړښت کې یوځای شول او د ۱۳۹۸ ل کال په ټاکنو کې به هم له خپل پخواني سیال او نورو ټاکنیزو ډلو سره په ولسمشریزو ټاکنو کې سیالي وکړي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه18 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی17 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ