خوست کې د کرنې سل شنې خونې جوړې شوې

(Last Updated On: December 7, 2016)

vlcsnap-2016-12-07-18h22m59s67

دغه خونې د کرنۍ او مالدارۍ وزارت له لوري د (کاردیف) موسسې په مالي مرسته جوړې شوې دي چې په مجموعي ډول ۶ سوه اویا زره امریکایي ډالر لګښت پرې شوی. د خوست والي په وينا له دغو شنو خونو څخه به هر کال ۶۵۰ټنه تازه سبزۍ بازار ته وړاندې کړي او له ګاونډي هېواد پاکستان به د سبزیو د رالېږد مخه ونیسي.

د خوست والي حکم خان حبيبي څرګندوي چې د اوس له پاره په خوست کې د دغو شنو خونو شمېر سلو ته رسېږي.

همدا راز د خوست د کرنې او مالدارۍ رئیس سميع الله نصرت وایي چې د دغو سلو شنو خونو ترڅنګ تازه په دې ولایت کې د ۳ نیم سوه زره امریکايي ډالرو په لګښت ۵۰نورې شنې خونې هم منظورې شوې دي. زیاتوي چې په دې شنو خونو کې ۷۰فيصده لګښت کرډایف موسسه او ۳۰ فيصده خپله بزګران ورکوي.

له بلې خوا ځایي کروندګر وایي چې پخوا له پاکستانه خوست ته سبزۍ راتلې، خو اوس به د کال په ۱۲میاشتو کې خپل تازه سابه ولري او بل به د کروندو سره اقتصادي مرسته هم وکړي.

ځایي چارواکي وایي، له دغو سلو شنو خونو څخه به هر کال ۶۵۰ټنه شنه سبزي ترلاسه او بازار ته وړاندې کېږي او دا به نه یوازې د خوست له پاره بسنه وکړي، بلکې ګاونډیو ولایتونو ته به هم تازه سبزۍ ورکړي.

خبريال: فریدالله ظاهر

About Ariana News

Avatar

Check Also

د کابل- کندهار لویه لار د زابل په اړوند سیمه کې ډېره ویجاړه شوې

(Last Updated On: January 23, 2020) د زابل خلکو ویلي؛ د کندهار – کابل لویه …