حکومت د پراختیایي بودجې میلیاردونه افغانۍ بې ځایه لګولي- ولسي جرګه

(Last Updated On: November 23, 2019)

د ولسي جرګې د مالي چارو او بودجې کمیسیون ویلي، د پراختیايي بودجې په لګولو کې د افغانستان له خلکو سره لویه جفا شوې او میلیاردونه افغانۍ بې ځایه لګول شوې دي.

ولسي جرګې د دوه یم ځل لپاره د ۱۳۹۷ لمریز کال د بودجې د قطعیې لګول په اجنډا کې ونیول او د مالي چارو او بودجې کمیسیون څرګنده کړې، چې په قطعیه کې د حکومت لخوا ډېرې سرغړونې شوي او ډېرې پیسې بې ځایه لګیدلي دي.

دا کمیسیون وایي، له پنځوس ډېرې سرغړونې د بیت المال په لګولو کې شوي دي.

د ولسي جرګې د مالي چارو او بودجې کمیسیون رییس محمد عظیم محسني  وایي، یوازې په یو نوي کود کې دوه اعشاریه څلور میلیارد افغانۍ په ناقانون ډول لګولي دي.

په ولسي جرګه کې د کندهار استازي محمود خان نصرت ویلي، چې د بودجې په سند کې د سرغړونو عاملین باید تر تعقیب لاندې ونیول شي.

د ولسي جرګې د کابل استازي عبیدالله کلمیزي څرګنده کړې، چې د خلکو له پیسو سره ستره جفا شوې او حکومت باید په دې برخه کې سپیناوی ورکړي.

د ولسي جرګې لومړي مرستیال امیر خان یار ویلي، د بودجې اصول پاڼه په ښکاره نقض شوې او دا موضوع باید په جدي ډول وڅېړل شي.

ټاکل شوې د دوشنبې پر ورځ د حکومت مسوولین د تېر کال  په پراختیایي بودجه کې د  میلیاردونو افغانیو د بې ځایه لګیدو په تړاو ولسي جرګې ته سپیناوی ورکړي.

About Ariana News

Avatar

Check Also

زلمی خلیلزاد په بروکسل کې د ناتو له مشرانو سره مشورې کوي

(Last Updated On: January 27, 2020)د افغان سولې لپاره د امریکا ځانګړی استازی زلمی خلیلزاد …