حکومت د فساد پر ضد ننداریزه مبارزه کړې- د روڼتیا څار بنسټ

(Last Updated On: May 21, 2019)

د افغانستان روڼتیا څار بنسټ موندنې ښیي، چې په حکومتي بنسټونو کې د فساد شتوالي د خلکو ژوند له ننګونو سره مخ کړی او د فساد پر ضد یې ننداریزه مبارزه کړې ده.

نصیر احمد نومی یو مدعي څه نا څه دوه سوه پاڼې اسناد لري او ادعا کوي؛ یو پخوانی حکومتي چارواکی هڅه کوي، چې د استوګنې کورونه په زوره ونیسي.

نوموړی وایي، په حکومت کې زور، واسطه او پېژندنه حاکمه ده له اووه کلونو راپدیخوا په عدلي او قضایي بنسټونو کې سرګردان دی؛ خو د حکومت د اوسنیو چارواکو د ملاتړ له کبله یې دوسیه د بل چا په ګټه فیصله شوې او ستره محکمه هم غواړي، چې کور ورخوشې کړم.

د ملي وحدت حکومت د عدلي او قضایي مرکز رامنځته کول او دغه راز د پوځیانو او ملکیانو لپاره څو ډاګیزې محکمې له فساد سره د مبارزې په لار کې لویه لاسته راوړنه بولي.

د افغانستان د روڼتیا څار څېړونکی ناصر تیموري وایي: په تېرو څلور کلونو کې د ملي وحدت حکومت د فساد پر وړاندې د مبارزې لپاره ټول ننداریز کارونه کړي دي؛ ځکه، چې د خلکو پر ژوندانه یې کوم مثبت اغېز نه لیدل کیږي.         

لویه څارنوالي فساد د حکومت پر تندي تور داغ ګني او ټینګار کوي، چې د دې پدیدې د له منځه وړلو لپاره له هر غوراوي کار اخلي.

لویې څارنوالۍ په خپل ویب سایت کې د فساد لسګونه دوسیې خپرې کړي، چې په وینا یې دا د اداري فساد پر وړاندې د دوی په مبارزه کې د ملي وحدت حکومت لویه لاسته راوړنه ده.

د لویې څارنوالۍ ویاند جمشید رسولي وایي: لویه څارنوالي قانون ته ژمنه ده او هیڅوک له قانو لوړ ندی او د دغه کار لپاره مو فشار هم یو غوراوی دی.       

د تازه راپورونو له مخې؛ اوس هم حکومت د ملی شورا د خینو غړیو او جګپوړیو سیاسي چارواکو په محاکمه کولو کې سیاسي چلند کړی دی.

دا په داسې حال کې ده، چې په کابل کې د ملګرو ملتونو سیاسي استازولۍ په خپل تازه راپور کې ویلي؛ فساد په افغان حکومت کې د قانون حاکمیت کمزوری کړی او د سولې لید لوری یې له خطر سره مخ کړی دی.

خبریال: شاهپور فرهمند

About Ariana News

Avatar

Check Also

د طالبانو لخوا رسنیو ته ګواښونو د ارګ او سفارت غبرګونونه راوپارول

(Last Updated On: June 25, 2019)په کابل کې د امریکا سفارت د سې شنبې پر …