عاجل خبرونه

حکومت او طالبان دې خپل بریدونه ودروي- د خلاصون شورا

(Last Updated On: April 8, 2019)

د افغانستان د خلاصون شورا مشر د پکتیا د قومي مشرانو او سپین ږیرو په ناسته کې له حکومت او طالبانو وغوښتل، چې د سولې له روانو مذاکراتو دې ګټه واخلي او د دایمي سولې لپاره دې یو او بل وزغمي.

د افغانستان د خلاصون شورا مشر سید اکبر آغا، چې د پکتیا په مرکز ګردیز کې يې یوه لویه غونډه لرله وویل: حکومت او طالبان دې نور د هېواد د ثبات او ښه والي لپاره سره يوشي او سياسي مبارزه دې پيل کړي.

نوموړي زیاته کړې، چې؛ حکومت او طالبان دې د سولې له شته فرصته ګټه واخلي او یو پر بل دې هر ډول بریدونه ودروي، چې د (بین الاافغاني) خبرو لپاره نوره هم ښه زمینه برابره شي.

نوموړی زياتوي؛ باوري یم، چې بهرني ځواکونه به له هېواده ووځي.

د پکتیا قومي مشر عبدالله مجاهد ويلي، چې اوسمهال تر بل هر وخت د سولې خبرو ته ښه زمينه برابره شوې؛ د متقابل درناوي او د باور فضا د پیاوړتیا لپاره دې هم ګامونه واخيستل شي.

د پکتیا یو بل مشر ګلزار زیارمل ټینګار کړی، چې حکومت او طالبان دې لومړی اوربند اعلان کړي، چې د سولې خبرې نورې هم زړه راکښونکې او د تل پاتې سولې ته زمینه برابره شي.

حکومت هم د یکشنبې پر ورځ د پخلاینې عالی شورا غړیو لومړۍ ناسته تر سره کړه او ټاکل شوې، چې په قطر کې د سولې د خبرو په راتلونکې غونډه کې پر افغان سياسيونو سربېره د حکومت دا ډله هم برخه واخلي.

خبریال: فریدالله احمدزی

 

About Ariana News

Avatar

Check Also

د تخار ولایت د شولو په حاصلاتو کې ډېروالی راغلی

(Last Updated On: October 17, 2019)د تخار د کرنې او مالدارې ریاست ویلي؛ په تېرو …