عاجل خبرونه

حکومت دې د عطامحمد نور په اړه قانون پلی کړي- سید حامد ګیلاني

(Last Updated On: جنوري 1, 2018)

په کابل کې د جهادي ګوندونو شورا غړیو د یوې غونډې په ترڅ کې د جمعیت او حکومت تر منځ ناندرې د اندېښنې وړ وبللې او د دې شورا د رهبرۍ غړي سید حامد ګیلاني  ټينګار وکړ، چې دواړه خواوې باید د ملي ګټو او قانون خلاف کار ونه وکړي او حکومت باید د عطامحمد نور په اړه قانون پلی کړي.

په بلخ ولایت کې د دوشنبې په ورځ ولایتي غونډه د عطا محمد نور له ګډون پرته تر سره شوې ده؛ خو نور ته نږدې کسان وايي، چې هغه د شخصي بوخیتاوو له کبله په دې غونډه کې ګډون ونه کړ.

د بلخ ولایتي شورا رییس افضل حدید وایي، د کاري بوختیاوو له کبله ولایتي ناستې ته حاضر نشو او ویلي یې دي، چې  د جمعیت د غوښتنو تر منلو به د خبرو دروازې ونه تړل شي.

د جمعیت اسلامي د رهبرۍ غړی عبدالستار مراد وایي؛ تر هغې، چې حکومت له جمعیت سره ګډې هوکړې ته نه وي رسیدلی، عطامحمد نور به خپله ولایتي دنده روانه ساتي.

که څه هم حکومت د عطا محمد نور دنده پای ته رسیدلې ګڼي؛ خو نور بیا ولایت ته ځي او خپل کارونه د والي په توګه پر مخ بیايي او خبرداری ورکوي، چې هیڅوک یې له دندې نه شي ګوښه کولی.

دلته په کابل کې بیا حکومتي سرچینې وايي، چې د بلخ نوی والي انجنیر داوود به ډېر ژر په رسمي توګه په بلخ کې دنده پیل کړي.

خبریال: باعث حیات

About Ariana News

Check Also

ولسمشر په پروان ولایت کې د دوه پروژو پرانسته وکړه

(Last Updated On: اکتوبر 15, 2018) د هېواد ولسمشر اشرف غني د دوشنبې پر ورځ …