عاجل خبرونه

حکمتیار به په میاشتو کې نه، په څو اوونیو کې هېواد ته ستون شي-امین کریم

(Last Updated On: جنوري 30, 2017)

vlcsnap-2017-01-30-14h29m40s196

 د اسوشیتیدپرس آژانس لیکلي، چې افغانستان ته د حکمتیار په ستنیدو به په سیاسي چاپېریال کې بدلون رامنځته او د طالبانو پرضد جګړه به نوره هم پېچلې شي.

د حزب اسلامي د پلاوي مشر امین کریم اسوشیتیدپرس آژانس ته ویلي، چې حکمتیار به په لنډو څو اوونیو کې کابل ته ستون شي.

ښاغلی امین کریم، چې د سولې موافقه يي کړې، پخپله د سختو امنیتي تدابیرو لاندې په کابل کې اوسیږي.

هغه پر یوشمېر أفغان رقیبانو او د سیمې پر هېوادونو نیوکې کوي او وایي، چې د حکمیتار د بېرته ستیندو مخه نیسي.

ښاغلی امین ګریم وایي؛د حزب اسلامي زیات شمېرهغه قومندانان،چې غوښتل يي کابل ته راشي، نیول شوي دي.

د حزب اسلامي امیر ګلبدین حکمتیار،چې له دوه زره لومړي کال وروسته يي د امریکایي ځواکونو په وړاندې وسلواله جګړه کوله؛د تېرکال په سیپتمبر میاشت کې یي د افغانستان له حکومت سره د پخلاینې هوکړه لاسلیک کړه.

About Ariana News

Check Also

کیدی شي طالبانو او خلیلزاد د بهرنیو ځواکونو پر وتلو هوکړه کړې وي

(Last Updated On: نوومبر 17, 2018) د سولي عالي شورا وایي، کیدی شي، چې طالب …