جنرال دوستم ترکیې ته ولاړ

(Last Updated On: مې 20, 2017)

dostom

جنرال دوستم ته نږدې سرچینې وایي، چې د ولسمشر لومړی مرستيال تېره شپه ترکيې ته ولاړ.

دغې سرچینې زیاته کړې، چې ښاغلی دوستم ترکیې ته د درملنې او له خپلې کورنۍ سره د لیدنې په نیت روان شوی؛ خو معلومه نه ده، چې جنرال دوستم به په دغه هېواد کې څومره وخت پاتې شي.

له اټکلي څرګندونو په ډاګه شوې، چې دوستم ترکیې ته تبعید شوی دی.

جنرال دوستم له څو میاشتو راهیسې د خپل سیاسي سیال احمد ایشچي د جنسي تورونو پرلامل خپل کاري دفتر ته حاضر شوی نه دی او په کور کې و.

داسې هم ویل کیده، چې د ولسمشر غني لومړی مرستیال جنرال دوستم تر دې دمه تر ډېرو فشارونو لاندې و، چې ترکیې ته ولاړ شي؛ خو هغه دغه فشارونه وزغمل.

په مارچ میاشت کې د افغانستان لومړۍ میرمن رولا غني د لندن له تایمز ورځپاڼې سره په مرکه کې ویلي وه، چې د ولسمشر پر لومړي مرستیال قانون پلی شوی او هغه په یو ډول پخپل کور کې نظربند دی، چې هیڅ رسمي دولتي کار نه تر سره کوي.

د ولسمشرۍ سرپرست ویاند سید شاه حسین مرتضوي د جنرال دوستم د سفر په اړه یوې خبري ناستې ته په ډاګه کړه، چې جنرال دوستم د درملنې لپاره ترکیې ته تلی؛ خو له ښاغلی ایشچي سره یوه حقوقي دوسیه هم  لري.

هغه دا امیدواري هم وښوده، چې نوموړی به له درملنې وروسته هېواد ته راستون شي.

په تېره یوه اوونۍ کې داسې ګزارشونه هم خپاره شول، چې ګنې د هېواد په شمال کې جنرال دوستم، احمد ضیا مسعود، عطامحمد نور او یو شمېر نورو سیاستمدارانو د یو نوي ائتلاف د رامنځته کولو هڅې پیل کړې دي.

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …